Pasamos unha xornada en Samil

O pasado xoves día 20 organizamos unha xornada familiar na praia de Samil, á que asistimos un grupo de usuarios/as do centro acompañados polas familias, traballadores/as e un grupo de voluntarios/as da Asociación Alborada.

Foi unha xornada fantástica que só se viu deslucida polo tempo, xa que o vento empeñouse en acompañarnos, especialmente a partir do medio día, polo que houbo momentos nos que tocou pasar algo de frío. Foi unha lástima, pero...

Aproveitamos a mañá para dar un agradable paseo, achegarnos ó mecadillo e camiñar polo precioso paseo, xa que o tempo non acompañou para achegarnos á orilla a mollar os pés.

Despois compartimos unha comida campestre que pechamos cuns postres moi especiais, elaborados polas familias, ás que retamos a participar nun concurso de repostería.

A participación foi estupenda e os resultados riquísimos. As votacións estiveron moi reñidas, pero ó final, tivemos un gañador:

Aquí tedes as fotos da xornada:

ACCESO ÁS FOTOS

Esperamos que pronto poidamos repetir!!!!

Desfrutamos dos productos da nosa horta

O martes tocounos cociñar...

Aproveitando que a nosa horta xa está en plena producción, recolleitamos unas tomates e leitugas coas que facer unha deliciosa ensalada da que demos conta durante a comida.

Ademais, fixemos unha deliciosa crema de cabaza aproveitando a última que tiñamos gardada da colleita anterior.

E como bos cociñeiros e cociñeiras, ó rematar recollemos todo e o deixamos todo ben limpiño, que traballadores somos un rato...

Aquí tedes unha mostra do noso traballo:

FOTOS DA ACTIVIDADE

Celebramos os 88 anos de Amelia

O pasado día 11, san Benito, estivemos de celebración. A nosa compañeira Amelia cumpliu 88 estupendos anos, e nós, non perdimos a ocasión de celebralo con ela:



Moitas felicidades!!!!

MAIS FOTOS

Facendo compota

Estes días aproveitamos para facer unha desas actividades que tanto nos gustan: cociñar...

Entre todos adicamos a mañá a pelar e trocear mazás coas que preparamos unha estupenda compota que compartimos na merenda:

Aquí podedes ver o moito que traballamos:
FOTOS DO OBRADOIRO DE COCIÑA

Repasamos as tradicións para celebrar ben o San Xoán

Estes días, dado que a noite máxica de San Xoán achegábase, recibimos no centro a visita de dúas meigas, desas que din que habelas hailas... e nos estiveron dando unha clase acelerada dos rituais do San Xoán...

Foi unha clase un tanto especial, porque menudas meigas... fixéronnos rir moito cos seus saberes (querían facer o "cacho" con grelos... en fin...)

Podedes ver as fotos desta actividade aquí:

OBRADOIRO DE SAN XOÁN

O alumnado de 4º do CEP Santa Tegra e os maiores de Atalaia xuntos na horta

O pasado 1 de xuño convidamos o alumnado de 4º curso do CEP Santa Tegra a que se achegaran ó noso centro coas súas plantas xa medradas no tamaño xusto para transplantar para compartir unha xornada de horticultura, nunha nova edición do noso proxecto "Imos sementar"

Durante toda a mañá estivemos limpando as malas herbas, removendo a terra, abonando, palntando, regando e compartindo saberes.

Aquí tedes a mostra do que deu de si a xornada:

FOTOS DA XORNADA DE HORTA

Atalaia celebra os Maios con Alborada

Estamos no mes de maio, o mes das flores. Como cada ano por estas datas, celebramos a Festa dos Maios coa construción dun maio e o ensaio de cantigas e danzas tradicionais.

Este ano celebramos a festa colaborando coa Asociación de Comerciantes de Teis, coa construcción dun maio que está exposto na rúa San Xurxo Badía durante toda a semana e a participación no acto de inauguración o pasado luns 15 de maio cunha cantiga e unha danza tradicional que compartimos coa veciñanza que se achegou ata o mercado.

Pero para poder facelo, desta vez contamos coa inestimable axuda dun grupo de voluntarios/as da Asociación Alborada, que se implicou moitísmo con nós, polo que non podemos estar máis agradecidos.

Aquí podedes ver as  fotos da estupenda xornada que pasamos no mercado de Teis:

CELEBRAMOS OS MAIOS NO MERCADO



E aquí tedes o proceso de elaboración do noso maio:

MONTAXE DO NOSO MAIO



E por suposto, as fotos dos diferentes ensaios:

ENSAIOS PARA OS MAIOS CON ALBORADA

Este mes felicitamos a nosa compañeira Merecedes no seu 82 cumpreanos

O pasado 10 de maio Mercedes cumpriu 82 anos, e como sempre, o celebramos por todo o alto.

Aquí tedes á nosa compañeira no seu día:

Moitísimas felicidades!!!!!

Atalaia e Monte da Guía compartimos un conto

O pasado 28 de abril a alumnado da aula de infantil de 3 anos da Escola de Educación Infantil "Monte da Guía" achegouse ata o noso centro para compartir con nós un fermosísimo conto e construir xuntos un alegre mural de primavera que deixou o centro moi colorido.

Gracias profes e gracias nenos e nenas por esta mañá tan estupenda que pasamos xuntos.

Aquí podedes ver todas as fotos:
CONTACONTOS CON EI MONTE DA GUÍA

Santa Tegra e Atalaia... de sementeira

O pasado venres 20 de abril compartimos co alumnado de 4º curso de primaria unha desas actividades que nos gustan tanto: a horticultura.

Nesta ocasión, este grupo de nenos e nenas achegáronse ó noso centro e xuntos estudiamos como son as diferentes sementes das plantas e fixemos pequenas sementeiras para que os nenos e nenas puidesen observar o crecemento das diferentes plantas (tomates, pementos, cebolas, chícharos, xudías...)

Agora teñen o encargo de coidalas na aula, para traelas dentro dunhas semanas xa crecidas para poder plantalas na nosa horta.

Moitas gracias rapaces/as por ser tan aplicados e traballar tan ben!!!!

Aquí tedes o enlace ás fotos que fixemos:

SEMENTANDO CÓ CEP SANTA TEGRA

Coñecendo máis da historia da batalla de Rande... Visitamos o museo Meirande

O pasado xoves día 20 aproveitamos o bo tempo para achegarnos ata o museo Meirande, en Rande, acompañados polos nosos amigos/as da Asociación Alboradae visitar as súas instalacións e coñecer máis polo miúdo moitos detalles interesantes da batalla de Rande e do entorno no que este museo está ubicado.

Telmo foi o guía encargado de acompañarnos durante a visita e dar resposta a tódalas nosas dúbidas.

Podedes ver as fotos que Manuel G. Vicente  fixo da xornada aquí:

VISITA Ó MUSEO MEIRANDE

Luns de Pascua... na capela da Guía

O pasado luns 17 de abril achegámonos á capela da Guía para asistir a misa, e aproveitamos o precioso día para pasear polo entorno e sacar estas preciosas fotos que podedes ver premendo no seguinte enlace:

FOTOS NA CAPELA DE A GUÍA

Paseamos pola cidade a bordo do bus turísico

Onte pasamos unha xornada fantástica. Aproveitando estes maravillosos días de sol e calor co que o mes de abril estanos a agasallar, achegámonos ata a rúa Cánovas do Castillo para subirnos a bordo do bus turístico e percorrer os lugares máis emblemáticos da nosa preciosa cidade.

Así tivemos a ocasión de ver do mesmo xeito que o fan os turistas que nos visitan as principais rúas da cidade, o Castro, o parque de Castrelos, Samil, Bouzas, etc.

No enlace seguinte podedes ver as fotos que fixemos da xornada:

FOTOS DO PASEO NO BUS TURÍSTICO

Moitas gracias á oficina de turismo municipal por esta oportunidade!!!

No mes de marzo celebramos...

Cumprir anos é sempre motivo de celebración. En marzo foi o mes de dous dos nosos usuarios/as, Dolores o día 16 e Enrique o 31.

Parabens os dous!!!!!!

Gran baile de Entroido en Atalaia

Como xa é tradición polo noso centro, o martes de Entroido é martes de festa, baile e disfraces.

Este ano a temática elexida para a mesma foi "os diferentes estilos musicais" e "os artistas".

A primeira parte da mañá a adicamos as transformacións, vestido, maquillaxe, caracterización:

Aquí tedes as fotos deste proceso de transformación:

FOTOS PREPARÁNDONOS PARA O ENTROIDO


E despois dos preparativos correspondentes, chegou o momento do baile e a festa, chea de grandes actuacións: Georgie Dann e o seu grupo de bailarinas, Sara Montiel, Lina Morgan, María Jimenez, Isabel Pantoja,...

E como unha imaxe vale máis que mil palabras, premendo no seguinte enlace podedes ver as fotos que o noso bo amigo Manuel G. Vicente fixo da festa:

FOTOS DO BAILE DE ENTROIDO

E ata aquí o que deu de si o Entroido por Atalaia... pasámolo tan ben que xa estamos agardando polo seguinte....

Mes de Febreiro... Mes do Entroido. Así o pasamos en Atalaia...

Despois dun tempo co noso blogue "descuidado", voltamos de novo con moitas ganas de contarvos que é o que andamos facendo polo noso centro.

Comezamos co Entroido, que deu moito de si e tívonos moi atarefados durante todo o mes de febreiro.

Participamos nun concurso de máscaras de entroido, e este ano o fixemos coas mans na masa, entre ovos e fariña, e salironnos unhas máscaras "para chuparse os dedos".

Foron días de intenso traballo compartido, que podedes ver nas fotos:

FOTOS CONCURSO DE MASCARAS


O pasado xoves 23 de febreiro, aproveitamos a estupenda programación do Museo Etnográfico Liste de Vigo, para organizar unha saída fóra do centro e coñecer da man de Sonia e Erika as diferentes maneiras de celebrar o Entroido que temos en Galicia.

Comezamos a sesión cunha exposición onde aprendimos como é o Entroido segundo a zona na que nos atopemos, para despois poñernos man á obra para facer o noso propio "Pucho de Chantada".
Estivemos moi aterefados elaborando flores de cores coas que confeccionamos un precioso "Pucho" que probamos todos e despois levamos para o centro.

Máis detalles nas seguintes fotos:

FOTOS DA VISITA O MUSEO LISTE


Pero o noso entroido ainda deu moito máis de si. O día seguinte da saída ó museo Liste, recibimos no centro a visita dos nenos e nenas da aula de 2-3 da Escola Infantil Municipal Atalaia, que se achegaron ó noso centro para desfilar e amosarnos os seus fermosos disfraces.

Podedes ver máis fotos desta visita aquí:

VISITA DA ESCOLA INFANTIL MUNICIPAL ATALAIA


E como ben sabedes, a cociña é unha das nosas paixóns, así que non dubidamos en organizarnos e preparar entre todos/as unha riquísimas orellas de Entroido.

Máis fotos no seguinte enlace:

FOTOS DO OBRADOIRO DE ORELLAS DE ENTROIDO