Ahí vai a nosa felicitación de Nadal...

Entre outras cousas, estes días andivemos atarefados grabando este pequeno video, co obxectivo de faceros chegar a todos, familiares, amigos e coñecidos, os nosos mellores desexos para este 2.013 que estamos a piques de comezar.


 Esperamos que vos guste:


 

Xa se respira espíritu de nadal polo centro de día...

Levamos un tempo no que non publicamos novas no noso blog.
Non pensedes que é porque non temos nada que contar, pero é que estamos tan atarefados ultimamente cós preparativos das festas de Nadal que non nos queda tempo para escribir...
Para que vos fagades unha idea, vos achegamos a programación de actividades que estamos a desenvolver.

Levamos todo o mes de decembro traballando en diferentes obradoiros:

 
Fixemos os adornos para a nosa a árbore, montamos o tradicional belén, colocamos decoración navideña pola casa, fixemos algún centro de mesa, elaboramos postais de nadal para felicitar ós amigos, ensaiamos panxoliñas,  cociñamos galletas navideñas…, en resumo, estamos traballando a reo.

Ademais destes obradoiros, esta semana iniciamos un programa de visitas e saídas varias:

O venres 14 de decembro visitounos o Paxe Real para recoller as nosas peticións para SS.MM. Os Reis Magos de Oriente.

O Luns 17 de decembro  os alumno/as de 4º, 5º e 6º do CEP Santa Tegra de Teis representaron unha obra de teatro no noso centro.

Para o xoves 20 de decembro esperamos a xa tradicional visita dos nenos e nenas da Escola Municipal Infantil "Atalaia" de Teis, cos que compartiremos panxoliñas e intercambiaremos agasallos.

Será o venres 21 de decembro cando nos visiten un grupo de alumnos do Centro de Educación Ifantil Monte da Guía para celebrar connosco o "Día da solidariedade"

O luns 24 de decembro celebraremos xuntos a Noiteboa cunha  comida especial de Nadal. Recordade que ese día o centro pecha 1 hora e media antes do habitual.

O mércores 26  de decembro celebraremos xuntos unha misa especial de Nadal no Centro de Día

O xoves 27  de decembro será o momento de compartir con vós, as familias, un brinde navideño cargado de sorpresas que levamos unhas semanas preparando. Non faltedes, empezaremos a partir das 11:00 da mañá.

O Luns 31 de decembro é día de despedir o ano 2.012 e preparar a entrada do 2.013. Temos organizada unha comida especial de Fin de Ano e un ensaio das uvas da sorte

Para o xoves 3 de xaneiro organizamos unha saída para visitar a exposición de Beléns de NovaGalicia Banco

E o Venres 4 de xaneiro remataremos a celebración das festas de nadal coa visita de SS.MM. Os Reis Magos de Oriente, unha comida especial de Reis e de merenda, chocolate con Roscón de Reis.

Podedes ver que non vos enganábamos cando vos diciamos que estamos moi atarefados... pouco a pouco iremos subindo fotos das distintas actividades...

Estade atentos ó noso blog....

O cumpreanos de Josefa

O venres voltou ser día de celebrar  cumpreanos polo Atalaia.
Desta ocasión, o día anterior fixemos un obradoiro de cociña, no que un grupo de usuarios, apoiados por Yoli, unha das nosas xerocultoras, elaboraron unha deliciosa tarta de chocolate e galleta.

E o venres pola tarde, todos xuntos, cantamos o cumpreanos feliz á nosa compañeira Josefa, entregamos o agasallo que preparamos e despois demos boa conta da tarta, da que non deixamos nin as migas...

Aquí tedes algunhas fotiños da tarde:

Polo San Martiño... trompos ó camiño. Magosto polo Atalaia

Esta semana estivemos moi atarefados polo centro preparando a festa do magosto...
Pasamos a semana traballando sobre as tradicións e costumes do magosto, lembranzo como o facía cadaquen nos seus tempos mozos, revisamos diferentes maneiras de preparar castañas, as súas propiedades culinarias, etc.


En resumo, que somos uns expertos no tema.

Tamén fixemos uns cestiños para servir as castañas o día da festa, que despois levamos para casa de recordo.

Aquí tedes as fotos do noso traballo:




Onte pola tarde foi a data escollida para a nosa festa, que compartimos cos nenos que desde O Plan Comunitario de Teis nos visitan tódolos martes e xoves pola tarde.

Organizamos unha tarde de xogos tradicionais, para despois merendar xuntos castañas cocidas e asadas.

¡¡¡Que ricas estaban!!!

Aquí tedes as fotos:

Cumpreanos cuns invitados moi especiais...

Onte, unha vez máis, estivemos de celebración.
Nesta ocasión foi o turno de Mª Luisa, Fino e Rosa.
E para celebralo tivemos unha visita moi especial, Hajar e Abdennour, os nenos que nos visitan tódolos martes e xoves polas tardes.
Aquí deixamos as fotos:

Feliz 87 cumpreanos Obdulia

O pasado domingo Obdulia cumpriu 87 aniños de nada...
Como é costume, nós non quixemos perder a oportunidade de celebralo con ela, polo que preparamos entre todos un agasallo e onte pola tarde sopramos con ela as velas.

¡¡¡Moitísimas felicidades!!!!

¿Quen coida ó coidador?

Nos chegou esta información que pensamos pode ser do voso interese.

Dende o SERGAS ofertan uns obradoiros gratuítos dirixidos a persoas que teñen ao seu coidado a dependentes .

Trátase de que o coidador desenrole habilidades para coidarse a sí mesmo, e aprenda a evitar situacións de estrés e desgastes innecesarios, que tan frecuentemente se dan nas persoas que coma vos, coidan de persoas dependentes.

Datas e lugar de realización dos obradoiros: 
Lugar: no Centro de saúde de Bembrive.
Días: 19 e 26 de outubro; 9,16,22 e 30 de novembro
Hora: de 10.00 a 12.00

Se algún de vos está interesado en participar ou coñece a alguén a quen lle poida ser útil, pode inscribirse no seu centro de saúde, ou enviando un mail ao seguinte enderezo electrónico: petraudana@hotmail.com, indicando o nome e idade da persoa coidadora, ademáis do nome da persoa dependente e o seu diagnóstico.

Os temas que se traballarán son os seguintes:

1ª Reunión: 19 de outubro
Aprendiendo a coidarnos para coidar

2ª Reunión: 26 de outubro
O papel do coidado no ámbito familiar. O papel do home e da muller

3ª Reunión: 9 de novembro
Dependencia e coidado. Necesidades do coidador. Coidando os espazos. Poñendo límites.

4ª Reunión: 16 de novembro
Envellecemento saudable e procesos de deterioro

5ª Reunión: 22 de novembro
¿Somos imprescindibles? Aprendendo a delegar

6ª Reunión: 30 de novembro
A saúde do coidador. Alternativas. Creando redes de apoio.

Teresa e María celebran connosco o seu cumpreanos

Onte voltou ser día de celebración.

Nesta ocasión tocou celebrar o cumpreanos de Tere, que cumpriu 71 anos o pasado día 6 e o de María, que celebraba o seu aniversario número 79.

 Aproveitamos para botar un baile, que os médicos din que é moi bo para todo e a nos gústanos moito...

 E desta ocasión estábamos moi traballadores, así que en lugar de encargar a tarta á pastelería, decidimos facela nós, que as facemos ben ricas... Yoli foi a encargada de axudarnos, e mirade que boa pinta tiñan:


Aquí deixamos as fotos da festiña:


Moitas felicidades compañeiras!!!!!

O noso novo proxecto chámase "Imos sementar"

Chegou o outono, e tras o parón estival para "recargar pilas", xa estamos de novo argallando cousas nas que "manternos ocupados", que xa sabedes que o de estar quietos non vai con nós.

E unha destas cousas novas nas que andamos é o que vos contamos hoxe.
Xa sabedes que en xeral, todo o que ten que ver co campo e a horticultura gustános moito moito.

É por iso que xa fai un par de anos que comezamos a cultivar unha pequena horta nos terreos do noso centro, que xa coñecedes ben.
Pero queríamos dar un paso máis, polo que pensamos que era unha pena que con todos os coñecementos que temos, non aproveitáramos para transmitilos ás novas xeracións.

E así nos lanzamos na nosa nova aventura. Puxémonos en contacto có CEP Santa Tegra, colexio co que xa colaboráramos en diferentes ocasións, e aceptaron encantados a nosa proposta.

E onte, aproveitando que a lúa estaba en menguante, achegámonos o cole para facer cos nenos do cuarto curso un semilleiro de cebolas.

Foi unha experiencia moi, pero que moi grata. Desfrutamos moitísimo con este grupo de nenos/as que estiveron en todo momento moi atentos e participativos. Temos que agradecer tamén o trato exquisito que recibimos por parte do profesorado do centro. Así da gusto traballar...

Aquí tedes as fotos da experiencia:




Agora os nenos e nenas de 4º son os encargados de coidar os semilleiros, esperando que medren para poder plantar as cebolas na nosa horta.
Nós seguiremos moi de preto todo o proceso, atentos a evolución e respondendo tódalas dúbidas que poidan xurdir...

Arranca a V Edición do Programa Intercultural e Interxeracional

Onte puxemos en marcha a V edición do programa intercultural e interxeracional, que desenvolvemos de maneira conxunta co Plan Comunitario de Teis desde o curso 2008/09.

Ó ser onte un día de reencontro, tras tres meses de vacacións, adicamos a sesión a saudarnos, presentar ás persoas que se incorporan ó proxecto,  poñernos ó día de como nos foron as cousas durante o verán, etc.

Estade atentos ó blog, porque vos iremos contando a medida que vaiamos facendo cousiñas...

Degustando os froitos da nosa pequena horta

O pasado xoves adicamos a mañá a preparar unha deliciosa crema de cabaza, aproveitando a colleita que días atrás fixemos na nosa pequena horta.

Desta vez foi un pequeno grupo de usuarias as que se encargaron de pelar e cortar as cabazas, patatas e cebolas que serviron como ingredientes principais da nosa crema.

Nas fotos podedes ver como Lola, Carmen Santos, María Bernárdez, Pepita e Josefa estiveron traballando con moito brío, sempre axudadas por Sonia, unha das nosas xerocultoras.

Na hora da comida, todos dimos boa conta desta deliciosa crema de cabaza, e a xulgar como quedou a pota, podemos afirmar que foi unha opinión compartida por todos e todas que estaba...

Rica... Riquísimaaaaa!!!!!!

Felicidades José Luis

Seguimos celebrando os nosos anos, para nós é sempre motivo de alegría.
Onte foi Jose Luis o que celebrou connosco o seu 73 cumpreanos.

¡¡¡Moitas felicidades!!!

 Aquí tedes as fotos:

Repetimos visita á praia

Onte decidimos voltar a achegarnos á praia da Etea, aproveitando ó día tan espléndido que nos acompañou.
Algunha de nós atreveuse a darse un chapuzón ben dado (a temperatura da auga invitaba a facelo)e o resto nos conformamos con mollar os pés.
Algún nin recordaba a última vez que se achegara a orilla do mar... polo seu sorriso seguro que vendo as fotos averiguades de quen falo...


Esperamos que o tempo nos siga acompañando para poder repetilo..

Setembro, o mes de Eugenia e Lito

Para nós cumplir anos é motivo de alegría, polo que cada vez que un de nós engadimos un ano ás nosas costas non podemos deixar de celebralo.

Nesta ocasión os homenaxeados foron Eugenia que celebrou o seu, nada menos, que 94 cumpreanos o pasado día 8 e Lito, que cumpliu os 69 o domingo 16.

A tarta e o baile non faltaron nesta festa, e como proba do ben que o pasamos aquí tedes as fotos:

De paseo na praia da Etea

Aproveitando o bo tempo que temos este mes de setembro, o pasado xoves organizamos unha saída de novo á praia da Etea.
Saimos ás 11:00, un pequeno grupo camiñando e o resto en coche. Chegamos, tomamos posicións, e os usuarios máis osados nos achegamos a auga a mollar os pés.
E a verdade é que a temperatura da auga era moi agradable. Para os que non nos puidestes acompañar, aquí tedes as fotos:

Hoxe a cousa vai de pementos...

Por aquí andamos de novo, hoxe para contarvos o que da de si a nosa pequena horta.
Os nosos pementos xa están a punto, e despois de todo o traballo de meses cavando, regando, arrincando malas herbas, etc., por fin puidemos dar boa conta deles.
Como non podedes degustalos, como fixemos nós, aquí vos deixamos as fotos de todo o proceso para que sintades un pouco de envexa:


 Todos participamos do proceso, Lito foi a horta a recolectar, Mª Luisa, Obdulia e Carmen Santos se ocuparon de lavalos e secalos ben, Carmiña e Quina foron as encargadas de cortalos e fritilos, axudadas por Elvira, Lito os levou a mesa e entre todos, nos ocupamos de degustalos.

¡¡¡Pero que ricos estaban!!!!

Agosto polo Atalaia

Tal e como prometimos, chega o momento de facer un repaso do que deu de si o mes de agosto polo noso centro.
Agosto foi un mes tranquilo, con moitas ausencias por vacacións dos nosos usuarios, que con todo o que traballamos ó longo do ano, estaban ben merecidas.
Aínda así, tivemos tempo de andar de festa en festa, sobre todo tendo en conta que en agosto se celebran as distintas festas da parroquia de Teis.
Con motivo da celebración da festa en honor a Nosa Señora das Neves, nos visitaron os cabezudos, que encheron o noso centro de cor e alegría. Aquí tedes as fotos:


Tamén asistimos ás celebracións en honor a San Salvador de Teis, polo que un grupo de usuarios nos achegamos ó parque da Riouxa para asistir a unha das misas:


Como facemos sempre, celebramos o 81 cumpreanos de Mito:



Pero ademais de ir de festa en festa, nos quedou tempo de asistir a unha sesión do programa Cociña saudable organizado polo Concello de Vigo dentro do Plan Saúde na praia da Etea.


Agora xa sabedes o que andivemos facendo este tempo... Como sempre, vos invitamos a que sigades atentos, porque pronto teredes novas do que se coce polo Atalaia.

E se non o fixestes xa, queremos recordarvos que se introducides a vosa dirección de correo electrónico no recadro que pon "seguir por e-mail" ubicado na parte superior dereita desta páxina e premedes despois en "submit" recibiredes un aviso no voso correo cada vez que publiquemos algunha nova no blog.

 Xa sabemos que sodes moi tímidos e vos costa escribir, pero non queremos deixar de insistir en que nos encanta recibir comentarios vosos, polo que ánimo e a escribirnos...

Celso cumpre 90 anos

Onte 30 de agosto, Celso celebrou connosco o seu 90 cumpreanos.
Aquí tedes as fotos da festa:

Menús de setembro

Despois dunhas semanas de parón estival, xa andamos por aquí de novo.
Hoxe publicamos os menús correspondentes o mes de setembro, que podedes consultar, coma sempre, premendo na pestaña "Menús".

Estade atentos ó blog, porque nos próximos días vos iremos dando conta do que deu de si o mes de agosto no Atalaia...

Saúdos a todos os nosos fieis lectores.

Desde Atalaia rumbo á praia...

Despois do éxito da saída da semana pasada á praia da Etea, decidimos repetir...
Aínda que o día amenceu con moita néboa, o ceo despexou xusto para  a nosa chegada á praia, cunha temperatura bastante agradable...
Aquí tedes as fotos da xornada, para que vexades o ben que o pasamos:

“Laxeiro, unha viaxe pola pintura do século XX”

A fundación Laxeiro achega ós maiores do Centro de Día Atalaia en Vigo a actividade didáctica “Laxeiro, unha viaxe pola pintura do século XX”

Hoxe, Javier Pérez Buján, director artísitico da Fundación Laxeiro, impartiu ós usuarios do centro de Día Atalaia de Vigo unha charla sobre a vida e obra do famoso pintor  José Otero Abeledo “Laxeiro” (Lalín, 1908-Vigo, 1996).

Durante os 45 minutos que durou a charla coñecimos  que este pintor galego forma parte do grupo de "Os renovadores" dentro da vangarda artística galega. A súa obra manifesta un distanciamento do naturalismo rexionalista da época a través da fusión entre modernidade e tradición, xunto con Luis Seoane, Manuel Colmeiro, Carlos Maside e outros. 

Entre os seus galardóns cabe destacar a Medalla da Bienal de Pontevedra, a Medalla Castelao da Xunta de Galicia e a Medalla de Ouro do Concello de Vigo.

Desfrutando do verán paseando pola praia da Etea

Por fin chegou o verán...
 E hoxe, un pequeno grupo de usuarios do centro decidimos aproveitar para saír a pasear e recoller cunchas e area de praia para facer algunhas manualidades que nos axuden a darlle ese toque de verán que o noso precioso centro necesita...

 O día estaba espléndido e a auga do mar nada fría para o que nos ten acostumados o Atlántico... Así que tiñamos as condicións perfectas... non se podía pedir máis.

Aquí deixamos as fotos para que todos os que estades lonxe da nosa ría sintades un pouco de envexa...

O 89 cumpreanos da nosa Pilar...

O pasado venres 6 de xullo Pilar cumpriu 89 estupendos anos, e como sempre facemos, o celebramos todos xuntos, con tarta, baile e agasallo.

¡¡¡¡Moitas felicidades!!!!!

Consellos para o verán

Na sección "Rincón do Social" Carlos, o enfermeiro do noso centro, achéganos uns consellos para previr as deshidratacións agora que se supón chega a época de temperaturas elevadas.

Non deixedes de ler este artigo...

Saúdos desde o Atalaia

Celebramos a victoria de España na Eurocopa

A Festa de Fin de Curso do Programa Interxeracional e Intercultural

O pasado mércores voltamos ter festa por aquí no Atalaia. Nesta ocasión celebrábamos a festa de fin de curso do noso programa intercultural e interxeracional.
 Para esta ocasión tan especial na que participaron os maiores, usuarios/as do noso centro, os nenos e nenas que compartiron as actividades con nós durante todo o curso, as mulleres de orixe estranxeira asistentes o Programa de Alfabetización que desenvolve o Plan Comunitario de Teis, así como os traballadores/as e voluntarios/as que durante todo o ano colaboraron co programa, organizamos unha tarde especial chea de actividades.

Comezamos cun obradoiro para aprender a tocar o Djembé, un tambor tradicional africano. Para desenvolver esta actividade contamos coa presenza de Jorge Pérez, un prestixioso percusionista, profesor na Universidade de Vigo e no Conservatorio de Música de Pontevedra, acompañado por un grupo de alumnos da UNED.
Para iniciarnos na actividade, primeiro fixeron unha demostración e despois, repartidos en dous grupos recibimos unha pequena clase práctica.
Temos que agradecer a estes mozos e mozas que compartisen desinteresadamente esta maravillosa tarde con nós.
Tamén, entre todos elaboramos un mural conmemorativo. Despois compartimos todos xuntos unha deliciosa merenda intercultural, con receitas de diferentes paises do mundo e rematamos a tarde con música e baile.
Podedes ver as fotos da festa aquí:

O San Xoán polo Atalaia

O pasado sábado día 23 desfrutamos dunha estupenda xornada festiva en compañía das nosas familias e amigos/as.
Comezamos a iso das 11:00 nunha espléndida mañá que nos permitiu gozar da nosa maravillosa terraza con vistas á ría...
Recibimos a visita de dúas meigas (Habelas hailas...) que nos puxeron ó día de tódolos rituais necesarios para superar con éxito a noite máxica de San Xoán (o lume, a auga, as herbas, a queimada...)
Despois compartimos todos xuntos un aperitivo.

Foi unha mañá fantástica, que queremos compartir con todos vós a través destas fotos: Temos algunhas fotos máis, que por cuestións técnicas, tardaremos algún días en subir. .. Desculpade as molestias...

¿Imos xuntos de festa?

Estamos en xuño, xa pasaron seis meses desde o noso último encontro con motivo das festas de Nadal. Pensamos que é un bó momento para volver a reunirnos e compartir unha xornada xuntos, traballadores do centro, maiores e vós, as familias.

 A nosa proposta é a seguinte: O próximo sábado, 23 de xuño pola mañá organizamos no centro unha xornada festiva, aproveitando que é víspera de San Xoán. Compartimos xuntos un aperitivo, realizamos un obradoiro en torno ás tradicións propias da noite de San Xoán e aproveitamos para saúdarnos e falar de aqueles asuntos que sexan do voso interese.

 A hora prevista para o encontro é as 11:00 da mañá para rematar en torno as 13:30. A idea é que, desta ocasión, veñades acompañados polos maiores. No caso dos usuarios con máis dificultades de desprazamento, existe a posibilidade que desde o centro facilitemos un servizo especial de transporte adaptado para ese día.

 Por cuestións organizativas, precisamos que nos confirmedes a vosa asistencia ou non á xornada, xunto có número de persoas que asistiriades en total por familia, así como a necesidade ou non de uso do transporte adaptado para o desprazamento. Necesitamos esta confirmación antes do xoves 21 de xuño.

Esperando que poidamos vernos o próximo día 23, aproveitamos para enviarvos un agarimoso saúdo.

Nenos/as e maiores nos despedimos ata o próximo curso

Como xa sabedes, no Centro de Día, en colaboración co Plan Comunitario de Teis, desde marzo do 2.008 desenvolvemos un programa interxeracional polo que ó longo do curso escolar, dúas tardes por semana, un grupo de nenos e nenas de orixe estranxeira e residentes no barrio, acuden ó Centro de Día mentres as súas nais asisten a clases de alfabetización no Instituto da Guía.

Durante este tempo, os nenos/as e un grupo de maiores usuarios do centro, participan en actividades conxuntas programadas de contido moi diverso (obradoiros de manualidades, cociña, contacontos, festas tradicionais das diferentes culturas, teatro, xogos, grupos de conversa,…).

Onte tivemos a última sesión deste curso, e nos despedimos ata setembro... Aproveitamos para facer un repaso das distintas actividades que fixemos xuntos ó longo de todos estes meses.

 Queremos compartir con vós algún destes momentos, polo que vos deixamos aquí unha selección das fotos a modo de resumo do que foi esta edición do programa. Esperamos que vos gusten:

Festa de cumpreanos no Atalaia

Tras uns días con problemas coa conexión a internet, hoxe, por fin, podemos publicar as fotos da festa que celebramos no centro o pasado martes 29 de maio con motivo do cumpreanos de Lola, unha das nosas usuarias.
Foi unha tarde moi emotiva, na que nos acompañou Elías, o seu marido.

Temos que dar as grazas a Loli, a súa filla, que nos enviou una deliciosa tarta de mazá para compartir entre todos, e que estaba boísima, boa proba é que non quedaron nin as migas...

Aquí tedes as fotos:

Celebrando os Maios no Atalaia

Estes días andivemos moi atarefados polo centro cos preparativos da festa dos maios.
Nesta ocasión as familias nos axudastes moitísimo, polo que non podemos deixar de darvos as grazas.
Entre todos xuntamos moitas flores, fiuncho, ovos valeiros, etc.
De todos xeitos, nós tamén traballamos a reo, non vaiades a pensar. E como mostra aquí tedes algunha foto da nosa saida a recolectar polo barrio. Temos tamén que dar as grazas ós veciños, que se portaron estupendamente con nós e nos deron moitas das flores dos seus xardíns.
Unha vez recollido todo o material preciso, chegou o momento da elaboración dos adornos e do maio. Podedes ver parte do proceso nas seguintes imaxes:
E despois de todo o traballo, chegou o día da festa... Hoxe, por ser un día especial, puxémonos todos ben guapos e guapas, adornamos o noso estupendo maio e, como é de rigor, lle cantamos e le bailamos as nosas coplas:
  Pásamolo de medo, ademais de que o día nos acompañou estupendamente...

O CEP Santa Tegra nos visita

Hoxe, para comezar a semana, tivemos unha visita especial.
Os alumnos de sexto curso do Colexio Público de Educación Primaria Santa Tegra de Teis achegáronse ó noso centro para compartir unha xornada con nós e coñecer máis de preto o traballo que facemos.
Este grupo de alumnos preparou unha pequena obra de teatro moi divertida, que representaron no noso centro, e como podedes ver nas fotos, nos arrincou máis dun sorriso.
Despois adicamos un tempo a cantar xuntos e a coñecernos. Visitaron as nosas instalacións e fixeron moitas preguntas.
Os rapaces se amosaron moi interesados polos traballos que facemos no centro, e algún deles marchou dicindo que o próximo curso ía solicitar matrícula no noso centro, que lle parecía moito máis divertido que o seu...
Como sempre, aquí tedes as fotos para que vexades como foi a xornada...
Moitas grazas pola vosa visita, rapaces...

Menús do mes de Maio

Xa tedes dispoñibles os menús correspondentes a este mes.
Para consultalos, xa sabedes, só tedes que premer na pestaña que di "Menús".

Saudos

De festa de cumpreanos...

Onte voltamos ter festa...
Desta vez celebramos o cumpreanos de tres das nosas usuarias: Quina, que cumpriu o día 20, Mucha, que o fixo o 24 e Esther o 25.
Para merendar tivemos unha deliciosa tarta de cumpreanos, coa que as tres homenaxeadas sopraron as velas. Despois de cantarlles o "Cumpreanos Feliz" recibiron un pequeno agasallo cada unha de parte de todos nós.
Aquí vos deixamos as fotos para que as desfrutedes.


¡¡¡¡¡¡Moitísimas felicidades ás tres!!!!

Celebramos o día do libro

O luns 23 de abril se celebrou o Día Mundial do Libro.
 No centro de día quixemos conmemorar este día dun xeito especial.

 Despois de falalo entre todos e darlle moitas voltas, decidimos que o íamos facer ó grande, como nos gusta a nós facelas cousas. Así que decidimos que para conmemorar este día imos escribir un libro.

Imos escribir un libro sobre a historia do noso centro, e ademais imos confeccionalo (elaboraremos as tapas, follas, encuadernación, etc.)

 Estamos moi ilusionados coa idea, e xa nos puxemos a traballar no novo proxecto. Nas fotos podedes ver como xa estamos coa elaboración das tapas do noso libro, e tamén como iniciamos os traballos para darlle contido.

Non sabemos canto tempo imos tardar en rematar, pero vos manteremos informados dos nosos progresos...

¡Feliz día do libro a tod@s!

Da horta á mesa

Xa vos contamos noutra entrada como no mes de febreiro comezamos a traballar de novo na nosa horta.
Este traballo, por fin, comeza a dar os seus froitos, e as nosas leitugas xa están preciosas e listas para comer.
É por iso que o venres nos preparamos unhas deliciosas ensaladas para acompañar a comida do día.
Pola mañá a primeira hora, Lito, o encargado da horta, foi recolectar os mellores pés, que Pepita, con moito cariño, lavou na cociña. Rosa, Josefa e Carmen Santos, desta vez foron as encargadas de preparar as ensaladas, axudadas por Esther e Ana Belén.
E todos, na comida, fomos os encargados de dar boa conta delas. Podedes ver todo o proceso na seguinte presentación: Uhmmm... Riquísimo

Grazas Bea polo teu cariño

As persoas maiores e os/as traballadores/as do Centro de Día Atalaia formamos unha gran familia. Pasamos xuntos moito tempo das nosas vidas, e iso fai que compartamos moitas cousas, alegrías, penas,...
Hoxe, as persoas maiores usuarias do centro queremos aproveitar este espacio para amosar todo o noso cariño á nosa compañeira Bea, que, tras ano e medio con nós, rematou a sustitución que estaba a facer...
Queremos dicirche:
Grazas por todo Bea, non nos esqueceremos nunca do teu sorriso...
Bicos

Chega a primavera...

Polo centro de día tamén chegou a primavera. Levamos un par de semanas moi concentrados traballando na elaboración de centros florais para decorar o centro e darlle o toque máis alegre e colorido propio desta época do ano.
A continuación podedes ver as fotos dalgunha das sesións de traballo así como do resultado das nosas obras. Pouco a pouco iremos engadindo máis, pero paciencia...


Como sempre, agardamos os vosos comentarios...

Menús do mes de abril

Xa tedes dispoñibles os menús do mes de abril.
Para consultalos só tedes que premer na pestaña correspondente.
Ante calquera dúbida, poñédevos en contacto co noso centro.
Un saúdo

¡¡¡¡¡Felicidades Jose!!!!

Nesta ocasión queremos aproveitar para felicitar ó noso usuario Jose Castro desde aquí, xa que o pasado día 11 cumpriu 82 anos. Como cadrou en fin de semana, nós o celebramos no centro o luns pola tarde. Tivemos festa-baile, tarta e agasallo...
 Podedes ver as fotos da festa aquí: ¡¡¡¡¡ MOITÍSIMAS FELICIDADES!!!!!

O centro de día no programa "Actualizad@s"

O domingo 11 de marzo, emitiuse na TVG un pequeno reportaxe acerca do II Encontro Netos-Avós que celebramos en xaneiro no noso centro.
Se non tivestes a oportunidade de velo, aquí vos deixamos o video para que poidades facelo.

A parte na que saimos nós está polo minuto 36 do video.

Xa nos contaredes que vos parece a nosa aparición nos medios de comunicación




">

Menús do mes de marzo

Queremos pedirvos desculpas por non teren publicados os menús correspondes ó mes de marzo.
O motivo é que estamos pendentes dunha nova oferta de menús. Desde a empresa de catering infórmannos de que os novos menús entrarán en funcionamento a mediados ou finais deste mes.
De xeito provisional recibiredes nos fogares unha carta coa información correspondente a primeira quincena do mes.
Cando sepamos seguro a data do cambio xa publicamos a información organizada por semanas, como viña sendo habitual.

Traballamos na horta do Atalaia

Tal e como vos prometimos, nos toca falar dalgún dos moitos traballos que facemos polo Atalaia. Hoxe é Bea (xerocultora) a encargada de poñernos ó día de como vai a nosa horta:

Como xa sabedes, temos unha horta que traballamos con moito cariño. Comezamos o traballo da terra a principios de febreiro e xa estamos coa parte da plantación.
Para iso: cavamos e alisamos a terra e colocamos unha tea para que as herbas non nos fagan traballar de máis e poidamos adicar o noso tempo ó que realmente nos gusta, que é poder ver como medran as nosas leitugas, allos, porros, cebolas, acelgas, a coliflor e o brecol, pero que mellor que velo en imaxes:

Nestes momentos andamos preparando o resto da terra, abonando e alisando xa que, o que ó principio ía ser un anaquiño pequeno, estase convertindo en algo máis grande, iso é debido a que os nosos maiores gozan moito coa horta, e xa están pensando no próximo que hai que plantar, por suposto coa súa gran sabiduría o respecto.

Programa "Actualizad@s" da TVG

Xa estamos de novo por aquí, está vez para avisarvos que o programa que a TVG grabou no noso centro no mes de xaneiro ¿Recordades? Foi o día da II Xornada Interxeracional Netos-Avós, será emitido o próximo domingo día 11 ás 23:30 aproximadamente.
Non deixedes de velo...

Hoxe... Festa de cumpreanos

Hoxe estreamos mes, e aquí estamos de novo para contarvos que voltamos a ter festa. Si, xa o sabemos, somos festeiros de máis, pero...

De todas formas tedes que saber que tamén traballamos moito, estade atentos ó blog, e nos próximos días vos contaremos en que andamos traballando ultimamente.

Voltemos ó da festa. Esta tarde celebramos os cumpreanos de dúas das nosas usuarias, Carmiña, que cumpriu o martes 84 anos e Carmen Santos que cumpría hoxe 86. Como é xoves, tivemos uns invitados moi especiais a nosa festa, os nenos e nenas que participan con nós no Programa Interxeracional.

Como toda boa festa, tivemos música e baile, cantamos o cumpreanos feliz ás homenaxeadas, que sopraron as velas e recibiron un agasallo de parte de todos nós. Despois compartimos unha suculenta tarta, da que non quedaron nin as migas. O sentimos....

Coma sempre, aquí vos deixamos as fotos, para que poidades compartir estes momentos con nós.


De novo, vos invitamos a que nos fagades comentarios, tódolos venres adicamos un ratiño a revisalos e os maiores prometen contestalos todos. Así que xa sabedes...

Non deixedes de visitarnos que pronto teredes novas...

Celebramos o Entroido

Xa estamos por aquí de novo. Esta vez para contarvos o ben que o pasamos celebrando o Entroido.

Aínda que o día grande da festa foi onte, nós xa levábamos un tempiño cos traballos previos, xa sabedes, buscando o disfraz, facendo probas de vestiario, elaborando a decoración, os complementos,...
Este ano eleximos como temática central do noso disfraz o deporte, aproveitando que estamos en ano olímpico.

 Unha pequena mostra do moito que traballamos a podedes ver nestas fotos:

 Todo o traballo realizado mereceu moito a pena, e por fin!!!! Chegou o día da gran festa, e como grandes deportistas que somos, pasamos a mañá exhibindo as nosa cualidades deportivas... Un, dous, tres,... ¡¡¡¡Atalaia Olímpica!!!!

Aínda andamos de resaca, pero como sabemos que tedes moita curiosidade, ahí tedes as fotos.



 Aaaaayyyyyy!!!! ¡¡¡¡Pero que guapos e elegantes íamos todos!!!!!

 Hoxe mércores de cinza, tamén andivemos moi atarefados, desde ben cedo empezamos a facer ourellas que degustaremos ó longo do día de hoxe. ¡¡¡¡Pena que nos as poidades probar, porque están riquísimas!!!!!!! E mentres amasábamos e fritíamos aída nos deu tempo a chorar pola sardiña que despide o Entroido. Pero.... Qué pena!!!!! Tamén vos deixamos as fotos aquí....




Pois nada, o Entroido remata, pero non as nosas ganas de pasalo ben, así que xa estamos dándolle voltas á seguinte...

 Vos manteremos informados.

Un saúdo desde o Atalaia

En San Valentín...

 Polo Atalaia nestes días tamén celebramos o amor...
Ahí vos deixamos as fotos para que vexades o bonito e amoroso que quedou o noso centro...

Gracias por estar ahí!!!!!

Aínda non fai un mes desde que arrancamos en serio nesta aventura do blog, e xa superamos as 700 visitas. Estamos moi, pero que moi contentos... Só podemos dicir.. GRACIAS, MOITAS GRACIAS.

Pero ademais de agradecervos estas visitas, queremos pedirvos un favor.

O noso blog nace co obxectivo fundamental de achegar a rutina diaria do noso centro ás familias dos nosos usuarios en primeiro lugar pero tamén ós amigos, ós compañeiros, ós profesionais, e a todo aquel que lle apeteza achegarse ó noso proxecto.

Vendo a cantidade de xente que nos visitou neste últimos días, pensamos que imos por bo camiño.

Pero tamén queremos que sexa un canle de comunicación, un espazo no que vós, os noso lectores, poidades participar.

Así que ahí vai a nosa proposta para estes días. Non sexades tímidos, e por favor, deixade un comentario, cun simple saúdo é dabondo. Por exemplo "Ola, son ... e vos mando un saúdo". Polo de agora non pedimos máis, aínda que si queredes contarnos algo, estupendo.

Queremos saber un pouco máis das persoas que estades ó outro lado. Cada semana, máis ou menos, abrimos cos maiores o blog e revisamos os distintos comentarios. Polo momento non temos moitos, pero nos fan moita ilusión, así que xa sabedes, agora vos toca a vós...

Por certo, por cuestión técnicas, cando escribades un comentario, non o veredes publicado no mesmo momento. Esto é porque para ser publicado ten que ser aprobado por nós. É unha forma de previr o spam. Pero non vos preocupedes, que nós revisamos tódolos días o buzón dos comentarios, polo que será publicado moi pronto.

Polo de agora nada máis, esperamos os vosos comentarios.

Un saúdo desde o Atalaia

Hoxe... Obradoiro de Repostería

Hoxe, día de San Blas, nos metimos na cociña do centro para elaborar a tradicional tarta de San Blas. Un grupo de usuarias, moi ben dirixidas por Yoli, empezaron ben cedo pola mañá a elaborar este delicioso dulce que degustamos todos xuntos durante a merenda.

Fixemos tres, dous normais, con diferentes receitas e un especial para celiacos, que tamén teñen dereito... Para que vexades como foi o asunto, aquí tedes as fotos (tamén da merenda, Uhmmmm!!!!!! Qué rico que estaba...)
Ata a próxima

Preparando o Entroido

Xa queda moi pouquiño para o Entroido!!!. 

E como nós somos moi festeiros e festeiras, imos celebralo como se merece, cumprindo escrupulosamente as nosas tradicións: comeremos lacón con grelos, ourellas elaboradas entre todos e todas, prepararemos disfraces, organizaremos un gran baile, e sobre todo, pasarémolo requete ben. 

Temos por diante uns días cheos de tarefas e enredos cos preparativos do baile de Entroido, que celebraremos o martes de entroido, día 21 de febreiro pola mañá, e do que, no seu momento, os contaremos tódolos detalles.

Despois dun intenso debate e duras deliberacións, xa por fin temos escollida a temática deste ano. Como ben sabedes, neste ano 2012 se celebran as olimpiadas en Londres. Nós aproveitaremos este gran acontecemento deportivo, para celebrar as nosas propias olimpiadas, e polo tanto nos disfrazaremos de deportistas. 

Xa estamos preparando o noso disfraz, e para isto precisamos da vosa valiosísima colaboración. Achegamos un listado con posibles disfraces e os elementos que poderían compoñelo. A idea é non ter que comprar nada, senón que aproveitaríamos as roupas deportivas que seguro que todos temos por casa. 

A continuación tedes un listado de posibles disfraces, así como os elementos que poderían compoñer o mesmo. Cada usuario pode elexir aquel disfraz que máis lle apeteza e que menos dificultades vos plantexe á hora de buscar os diferentes elementos que o compoñen.

Recordade que non é preciso comprar nada, senón que a idea é aproveitar as cousas que temos por casa (os uniformes deportivos que usamos cando alguén da familia xogou ó fútbol, ó tenis, ó golf, etc.).

DISFRAZ	ELEMENTOS DO DISFRAZ
Futbolista	Pantalón corto, camiseta, medias, tenis, balón
Animadora	Mini falda, camiseta deportiva, medias, pompóns, tenis
Ximnasta	Camiseta deportiva, leggins, calentadores, tenis, aros, pelota, cinta para a cabeza
Árbitro	Pantalón corto, camiseta, medias, (todo negro), tenis, silbato
Nadador	Gorro, Albornoz, gafas, chanclas, flotador
Tenista	Pantalón corto, camiseta deportiva, cinta para a cabeza ou viseira, raqueta de tenis, muñequeiras,
Boxeador	Pantalón corto, camiseta, batín, guantes de boxeo
Karateka	Kimono, cinturón,
Ciclista	Culot, camiseta, tenis, casco, gafas, guantes sen dedos, botella de auga
Atleta	Pantalón corto, leggins, camiseta de asas con número
Hockey	Como futbolista con palo de hockey
Golfista	Pantalón de cadros, polo, chaleco, palos de golf, viseira, guantes sen dedos
Halterofilia	Pantalón corto, camiseta deportiva, cinta para a cabeza, pesa de cartón
Rugby	Camiseta con hombreiras, pantalón apretado, casco,
Equitación	Pantalón de montar, botas altas, camiseta, casco

É moi importante darlle un toque divertido ó noso disfraz, pólo que os complementos teñen un papel moi relevante: necesitamos pelucas, gafas, gorros, ou calquera outro elemento que se vos ocurra e que teñades por casa. 

Para facilitar a organización dos disfraces, é moi importante que nos fagades chegar canto antes todo o que nos podades aportar, e, en todo caso, antes do venres dia 10 de febreiro. 

Se tedes calquera dúbida, podedes chamar ó centro e preguntar por Raquel (educadora social) ou deixar un comentario a esta entrada. 

Os membros do equipo de traballo do Centro de de Día Atalaia de Vigo agradecemos por adiantado a vosa colaboración e aproveitamos a ocasión para facervos chegar un cariñoso saúdo

Menús do mes de febreiro

Xa tedes dispoñibles no noso blog os menús correspondentes ó mes de febreiro.
Para consultalos só tedes que premer na pestaña que está na parte superior dereita que pon "Menús".
Un saúdo

O Nadal no Atalaia

Hoxe toca contarvos que andivemos facendo durante o Nadal.
Para que o vexades nada mellor que unhas fotos. Así que aquí as tedes:

Así celebramos o Nadal e o Fin de Ano, con visita do Apalpador incluida:

O día 29 compartimos un brinde coas familias. ¡¡¡¡Qué ben o pasamos!!!!
O 3 de xaneiro organizamos unha xornada de convivencia entre os nosos usuarios e os seus net@s e bisnet@s. Resultou unha xornada divertidísma, e incluso nos grabaron os da TVG (cando se emita o programa vos avisaremos).




Como xa é tradicional, o día 4 de xaneiro visitamos a exposición de Beléns de Caixanova (ou como se chame agora) e despois tomamos un chocolate con churros na cafetería Bonilla. ¡¡¡¡Pero que ben o pasamos!!!!!


E a nós tamén nos visitan os Reis Magos, este año viñan un pouco fracos e o Baltasar algo descolorido, pero algo nos trouxeron...



E por agora nada máis. Saúdos e ata a próxima.

O 2011 en imaxes

Como ben sabedes, unha imaxe vale máis que mil palabras, así que vos deixamos aquí unha pequena presentación das nosas fotos que resumen un pouco o ano de actividade que acabamos de deixar atrás.
Que o desfrutedes...