30 jun. 2015

Polo San Xoán... festa rachada

A semana pasada celebramos no centro unha desas festas cheas de crenzas e tradicións que tanto nos gustan: O San Xoán.
Comezamos a véspera, o 23, cunha visita moi especial, dúas meigas da nosa terra estiveron no centro para prepararnos para a máxica noite de San Xoán cos diferentes rituais vinculados as herbas, a auga, o lume...
Preparamos o cacho, queimamos na fogueira os nosos desexos, a saltamos, preparamos unha queimada e pasamolo de morte...
O día 24 pola mañá lavamos a cara coa auga de San Xoán, e preparamos unha ensalada cos primeiros froitos da nosa horta (leitugas, tomates e cebolas) que acompañaron a unhas deliciosas sardiñas asadas e un exquisito pan de millo. Rico, rico de verdade, e o postre... uhmmm, un delicioso flan caseiro.
Como podedes imaxinar, ese día chupamos os dedos.
Aquí podedes ver unha pequena mostra en imaxes do que deu de si esta festa en Atalaia:

8 jun. 2015

Cruzamos o charco e.... Visitamos Cangas

O pasado venres día 5 de xuño realizamos unha actividade que xa empeza a ser tradición no noso centro... A travesía en barco pola nosa ría ata o concello de Cangas.

Na estación marítima esperánbannos os nosos amigos da asociación Alborada, que nos acompañaron para poder desfrutar da saída con total seguridade e comodidade.

A súa compañía sempre é moi grata, son uns rapaces e rapazas moi agradables e atentos.

Ás 11:30 puxemos rumbo ó noso destino, e como o bo tempo acompañounos en todo momento puidemos desfrutar dun agradable paseo pola Alameda de Cangas.

Alí, aproveitando que era día de feira, uns aproveitaron para visitar os diferentes postos do mercadillo e comprar algunha prenda de roupa para ir á moda este verán, outros quedaron no parque biosaludable facendo algo de exercicio, e outros simplemente se adicaron a pasear e charlar.

A comida a fixemos no Centro Social, que cedeunos as instalacións, e alí compartimos todos xuntos, maiores, voluntarios e traballadores do centro un agradable xantar.

Pero como todo o bo remata, chegou a hora de voltar, polo que collimos de novo o transporte de ría, e cansos de tanto traxín voltamos cadaquen a súa casa para descansar durante a fin de semana, e con moitas ganas de poder repetir...

Pero mira que nos gusta viaxar!!!!!!!

Aquí podedes ver algunha das fotos que fixemos da nosa viaxe: