Imos á misa de Pascuilla na capela da Guía

Onte, luns de Pascuilla, achegámonos un grupo de usuarios/as e traballadores ata a preciosa capela da Guía para escoitar misa.
Aproveitamos para dar un paseo e desfrutar das fantásticas vistas que o lugar ten sobre a nosa ría.

Aquí podedes ver algunha foto:

Parabens Enrique

O día 31 celebramos o aniversario do noso compañeiro Enrique cunha merenda especial a base de tarta que estaba para chuparse os dedos.
Aquí tedes algunha fotiño da celebración:

Misa de Ramos en Atalaia

Comezan os actos da Semana Santa, e os nosos usuarios/as, moi fieis as súas tradicións non quixeron perder a oportunidade de compartir xuntos unha eucaristía especial, na que aproveitamos para bendecir un ramiño de olivo que nos acompañará durante todo o ano.
Agradecemos moito o Padre Ramón que se achegara ó noso centro para oficiar esta misa, que tanto gustou ós nosos usuarios/as.
Aquí tedes algunhas fotos desta actividade:

Comezamos os traballos na horta

Estes días, coa chegada do bo tempo, e despois de todos estes meses de frío e choiva, retomamos o coidado da nosa pequena horta, que tantas satisfaccións da.

O pasado luns, unha pequena "brigada" achegouse á horta para dar comezo ós traballos previos de limpeza, de cara ir iniciando as nosas plantacións.

 Xa fai un mes, coa menguante de febreiro, que botamos os nosos semilleiros de leituga, tomate, pemento, cebola, porro e cabaciño. Despois de todos os nosos coidados, xa empezan a brotar, polo que esperamos qaue pronto podamos levalos a nosa horta.

Aquí deixamos algunha das fotos que fixemos desta primeira xornada de traballo:

Seguimos celebrando aniversarios

Estes días voltamos a estar de celebración.
 Nesta ocasión foron tres os nosos compañeiros/as que engadiron un ano máis ás súas costas, e moi ben levados por certo.
En primeiro lugar, foi a nosa compañeira Carmiña:
Tamén, felicitamos a Carlos: E como non, á nosa boa amiga Fina:

Secundina celebra o seu 89 aniversario con nós

Cumprir anos é importante, e celebralo máis, así que nós non deixamos escapar nin unha soa oportunidade de celebración.
Por isto, o luns puxémonos mans á masa para agasallar a nosa boa amiga Secun cun delicioso pastel de fresas con nata o día do seu aniversario. Mirade canto traballamos:

O martes 24 sopramos con ela as velas e todos xuntos degustamos o delicioso pastel durante a merenda.


¡¡¡¡Moitísimas felicidades compañeira!!!!!!!

Actividades de Entroido

Xa tivestedes oportunidade de ver a que liamos para celebrar o martes de Entroido no centro, pero ademais desta festa,durante estas datas desenvolvimos diferentes actividades para poder cumprir coas nosas tradicións.
E como en todo entroido que se precie non poden faltar as filloas, as orellas e as flores, nós metímonos na cociña e puxémonos mans a masa:
Ademais aproveitamos para compartir cós nenos e nenas da escola infantil municipal un obradoiro no que fedellamos coa fariña e os ovos e pasámolo requete ben.

Ben sabedes o que nos gusta compartir o noso tempo cós máis cativos, por iso desfrutamos moitísimo coas visitas que estes nenos e nenas fixeronnos para amosarnos os seus estupendos disfraces. Pero que guapos e guapas estades rapaces!!!!!!!