Obradoiros de Cociña Saudable

No verán asistimos un pequeno grupo de usuarios a Etea ao Obradoiro de cociña saudable, enmarcado no programa “Síntome Ben” organizado polo Concello de Vigo.

Este obradoiro consistía en explicacións prácticas, montaxe de pratos saudables con degustación e entrega de fichas con menús.

 A raíz da nosa asistencia ao Obradoiro de Cociña Saudable, nestes meses a Nutricionista de dito programa, Natalia Carrillo, nos ofreceu en varias sesións unha ampliación do obradoiro no noso centro.

Supuso unha oportunidade fantástica para reflexionar acerca dos nosos costumes alimentarios e probar ingredientes novos e receitas diferentes de pratos tan tradicionais como é o arroz con leite.

Como colofón a estas sesións, Natalia achega unha serie de consellos moi prácticos para mellorar a nosa alimentación, e , por tanto, a nosa saúde:

Vivimos nunha sociedade contraditoria: por un lado cada vez máis preocupada pola saúde, con más e mellor coñecemento sobre como confeccionar hábitos e menús saudables; pero que asiste atónita a un incremento preocupante de enfermidades autoinmunes, alerxias, transtornos alimentarios....

Noutra banda , o primeiro mundo estase a morrer de "sobrealimentación" ( e malnutrición! ).Basta con mencionar o colesterol, diabete, obesidade, arteriosclerose....por só citar os principais factores de risco cardiovascular. 

Por fortuna, a medicina estase a enfocar non só tradicional tratamento fármaco-quirúrxico . Os últimos avances e investigacións, demostran que para a curación das enfermidades, a saúde, dieta e estilo de vida por esta orde ) son tan ou máis importantes que a medicación. 

Este novo enfoque pon de relevancia o que xa enunciara Hipócrates …. é que, a teor do exposto anteriormente cada un de nós a chave do seu benestar: somos o que comemos . 

Algúns cambios que nos axudarán a vivir mellor ( ademáis da consabida prudencia co azucre e as graxas animáis ): 

• Consumir preferentemente lácteos vexetáis e/ou fermentados desnatados 

• Incluir sementes de liño , sésamo, cabaza e xirasol (variando ) 

• Aprender a cociñar con algas 

• Adicar un pouco de tempo á cociña ( preparando biscoitos integráis , barriñas de avea, arroz con leite integral...) 

• Consumir máis legumes ( feixóns , chícharos, fabas , lentellas...) , tofu, peixe e clara de ovo que carnes vermellas

• Descubrir o fantástico mundo dos cereais integrais : quinoa, amaranto, mijo, cebada,arroz salvaxe.....para as nosas sopas , paellas , tortas..... 

Asemade adxúntovos un cadro que agardo vos sexa de moita utilidade á hora de controlar e reenfocar a vosa alimentación . Recordade sempre que as necesidades individuais varían coa actividade ,sexo, idade... e que á hora de escomenzar unha dieta debemos acudir a profesionáis cualificados .

Un saúdo moi agarimoso a tódolos usuarios , familiares e traballadores do centro Natalia Carrillo Pousa . 

Baile de Entroido en Atalaia

Onte celebramos o tradicional baile de Entroido no noso centro.

Como xa sabedes, este ano, a temática escollida para a elaboración dos nosos disfraces foi " O traballo e as profesións".

Cada un de nós púxose a buscar traballo, e... algo atopamos.

O caso é que, por un día, o centro transformouse nunha oficina de emprego chea de profesionais moi cualificados en busca dunha oportunidade.

Todos e cada un de nós desfilamos ó son da música, amosando as nosas cualidades profesionais e as nosas ganas de rir e pasalo ben.

Non sabemos se alguén querrá contratarnos... Por se acaso, aquí deixamos as fotos, e se tedes algún traballiño para nós... pois igual podemos negociar....

Arrancamos coas celebracións do Entroido

Xa estamos de cheo no Entroido, e nós xa levamos un tempiño traballando nos preparativos.
Xa temos listos os nosos disfraces... o próximo luns celebraremos o noso baile de Entroido. Así que estades pendentes do blog, porque as fotos non terán desperdicio!!!!!

Ademáis, durante estas semanas pasadas estivemos moi atarefados decorando o centro co noso particular Meco, a sardiña que choraremos o mércores de cinza, e máscaras e caretas que ubicamos por todo o centro para axudarnos a ambientar esta colorida época do ano.

Por si non nos chegara con todo este traballo, tamén elaboramos os disfraces dos nenos e nenas do Programa Interxeracional.

Este ano os nenos/as decidiron ir vestidos de superhéroes, e, nós, que somos moi apañadiños, lles fixemos uns traxes ben xeitosos. Temos que dicir que eles colaboraron moito na confección e decoración do seu disfraz.

O resultado de todo este traballo o podedes ver nas seguintes fotos:


¡¡¡¡Pero que requeteguapos estaban os nosos superhéroes!!!!
Agora, despois de tantos traballos, toca desfrutar da festa: Nos próximos días bailaremos, nos disfrazaremos, comeremos lacón con grelos, ourellas de entroido que elaboraremos entre todos no centro, etc.

Un conto pola paz

O pasado venres 1 de febreiro tivemos no centro unha visita moi especial.
Un grupo de alumnos e alumnas do EEI Monte da Guía achegouse ó noso centro para facernos chegar parte dun traballo que fixeron para conmemorar o día da paz.

Este grupo de nenos e nenas contaronnos un precioso conto, "El Hombre de la Flor".
“EL HOMBRE DE LA FLOR” é un libro ilustrado “sen palabras” por MARK LUDY. Unha obra mestra moi apropiada para os tempos que estamos a vivir. Este encantador home, infúndenos esperanza e nos ensina a importancia das pequenas cousas.
Despois nos agasallaron cunhas fermosas flores feitas por eles na aula e que encheron o noso centro de ledicia.
 Aquí tedes o enlace ó video que fixeron para resumir todo este proceso, incluindo a visita ó noso centro.



Podedes visitar o blog do EEI Monte da Guía aquí:

http://bibliotegrinha.blogspot.com.es/2013/02/un-conto-pola-paz-el-hombre-de-la-flor.html#comment-form

O cumpreanos de Hajar

O pasado sábado Hajar celebrou o seu octavo cumpreanos.

Nós tivemos que esperar ata o martes para poder celebralo con ela.

Desta vez, preparamos unha tarta en forma de mariposa, que quedou preciosa.

Aquí tedes as fotos da tarde: