Obradoiro de Nadal cos amigos/as do EEI Monte da Guía

O pasado venres tivemos polo centro unha visita moi especial. A clase de 5 anos do EEI Monte da Guía, acompañados poloas profes Elena e Rafa achegáronse para compartir con nós unha actividade preciosa que deixou unha fermosa árbore de nadal adornando a nosa galería.


Comezamos a xornada co saúdo entre nenos/as e maiores, e as presentacións nos que aínda non nos coñecíamos.


Unha vez feito isto, xa nos metimos de cheo en materia. Divididos por parellas (neno/a e maior), os nenos/as debuxaron nun folio a man do seu maior, para despois recortala. Tamén decoramos xuntos uns preciosos corazóns que encheron a nosa árbore de amor.


Despois de todo este traballo, chegou o momento de montar e decorar a árbore. Nas fotos podedes ver todo o proceso e o fermoso resultado: