Novembro, o mes do magosto

Como ben sabedes, o mes de novembro é o mes dos magostos, e nós, que somos moi fieis ás tradicións, non íamos deixar a oportunidade de celebrar o noso propio magosto en Atalaia.
 Pero como toda boa festa sempre require unha serie de traballos previos, xa levamos unha semana traballando a reo e programando as actividades a desenvolver.
Como non nos chegaba unha festa, decidimos facer dous. O xoves asamos castañas no centro, bailamos e lembramos algún dos xogos que máis nos facían sorrir cando éramos novos.
E despois o venres, aproveitando que tiñamos frescos todos eses xogos, nos achegamos ó CEI Monte da Guía para compartir co alumnado do cole, que xa son vellos conocidos,a súa festa do magosto e xogar un rato xuntos.
Para esta visita ó cole, decidimos preparar uns agasallos, que neste caso foron unhas medallas que elaboramos con castañas e un pouco de imaxinación. Aquí vos deixamos as fotos dos preparativos do noso magosto:


O xoves acompañounos un día fantástico así que na terraza do centro tivemos a oportunidade de celebrar unha xornada moi agradable na que non nos faltou de nada. Aquí tedes aproba:

E seguimos de celebración...

O pasado venres 8 de novembro foi o aniversario do noso compañeiro Fino, que celebrou conosco o seu 83 cumpreanos. E é que non paramos de celebrar...

Aquí tedes as fotos:

Moitas felicidades Ramón e Rosa...

Onte por Atalaia voltamos a estar de celebración.
Desta vez foron Rosa e Ramón os que celebraron con nós o seu aniversario.

Aquí tedes as fotos da xornada:

Atalaia se viste de outono

Este mes de outubro andivemos moi atarefados traballando na renovación da decoración do noso centro.
 Aproveitando que estamos no outono, época do ano na que a natureza nos brinda cores moi fermosas, decidimos apreveitar ramas, follas e outros materiais para confeccionar os elementos decorativos que podedes ver nas fotos.

Mirade canto traballamos e o bonitos que nos quedaron:






E que estamos feitos uns artisitas!!!!!!

Manolo Escobar... ata sempre

Estes días recibimos a triste noticia do falecemento dun dos grandes da copla do noso país.
Moitos dos nosos usuarios e usuarias son fans de Manolo Escobar, do que coñecen as letras das súas cancións, as súas películas, a súa traxectoria vital, etc.

Por este motivo, quixemos adicar unha tarde a lembrar algún dos seus temas máis emblemáticos, como xeito de rendir o noso particular homenaxe ó noso querido "Manolo".

Desta vez foi Fátima, a nosa terapeuta, a encargada de facer unha exhaustiva investigación e recopilar fotos, cancións e vídeos diversos, que desfrutamos todos xuntos onte pola tarde.

Aquí tedes as fotos da actividade:

Iniciase a campaña de vacinación fronte a gripe...

Coma tódolos anos por estas datas, a través dos centros de saúde dá comezo a campaña do Sistema Galego de Saúde (SERGAS) de administración de vacinas fronte a gripe. A gripe é unha enfermidade altamente infecciosa que en persoas adultas sas non ten, xeralmente, demasiada gravidade. Pero en certos colectivos sí que pode constituír un risco grave de saúde, como é no caso de persoas coas defensas baixas, nenos e, no caso que nos ocupa, persoas maiores.

Por todo isto recomendo que acudan ó seu centro de saúde, para asesorarse sobre a conveniencia de que se vacinen fronte a gripe as persoas maiores que están ó seu cargo, así como vostedes mesmos. Sería convinte que aproveitasen a visita ó seu médico de cabeceira, para revisar outras vacinas necesarias no maior, como son a vacina fronte ó neumococo (esta bacteria produce con frecuencia neumonías, con graves consecuencias para os maiores e inmunodeprimidos) e a vacina fronte ó tétanos e a difteria.

 É de utilidade que ó acudir ó médico do centro de saúde para revisar as vacinas necesarias para o maior, leve con vostede as antigas cartillas de vacinación que poida ter o maior na casa. RECORDE, É MELLOR PREVIR QUE CURAR Se o maior se atopase enfermo e sospeitasen de gripe, a mellor actuación será poñerse en contacto telefónico co centro de saúde, e deixalo namentres na casa, para evitar que infecte a outras persoas. As vacinas preveñen moitas enfermidades graves, evitando tratamentos con moitos efectos secundarios e menos efectivos que unha vacina a tempo.

 Lembre que a Consellería de Sanidade habilitou un teléfono para atender emerxencias non urxentes: 986 806350. Tamén poden chamar ó seu centro de saúde para maior información sobre a campaña de vacinación. NO CASO DE VACINAR O MAIOR, AGRADECERÍAMOS QUE NOS INFORMASE PARA QUE CONSTE NO CENTRO DE DÍA.

Cumpreanos feliz!!!!!!

Estamos no mes de outubro, e no noso centro este é un mes de moita celebración, posto que moitos dos nosos usuarios cumpren anos nestas datas.

 O pasado xoves celebramos os aniversarios de dúas das nosas usuarias, Mª Luisa e María, sen olvidarnos da nosa querida Tere, que cumprindo anos tamén nestes días, non puido acompañarnos por motivos de saúde.


 Un bico forte para ti, Tere. No centro todos esperamos que te recuperes moi pronto.

 Para que vexades o ben que o pasamos, aquí tedes as fotos da xornada, que incluiu tarta, baile e agasallos.