"Imos sementar" arranca o seu terceiro ano de andadura

Hai xa tres anos iniciamos un programa en colaboración cós centros educativos do noso contorno polo que usuarios/as do noso centro comparten co alumnado os seus saberes en torno ó campo e os cultivos.

Onte achegámonos unha vez máis ó cole Santa Tegra de Teis, para compartir, desta vez co alumnado de terciero curso, unha xornada na que os nenos/as aprenderon os aspectos básicos de como facer un semilleiro, desta vez, de leitugas.

Foron uns alumnos/as  moi aplicados, e despois dun excelente traballo, quedan responsables de coidar os seus semilleiros ata que estén en condicións de ser transplantados na nosa horta.

Aquí deixamos algunhas fotiños do que deu de si a xornada:

Estrenamos a nosa felicitación de Nadal coas familias

O pasado martes 30 de decembro invitamos as familias dos nosos usuarios/as a compartir con nós unha xornada onde fixemos a presentación oficial do video coa nosa felicitación navideña e aproveitamos para compartir un brinde para desexarnos unha moi feliz entrada e ano.

Asimesmo, as familias recibiron un dos nosos "xabóns máxicos" que elaboramos no centro durante o mes de decembro, co desexo de compartir con eles esas "pompas para soñar" que encheron o noso centro de alegría, festa e sorrisos.

Aquí tedes as fotos que fixemos da visita das familias:

Visitamos os beléns e desfrutamos dun delicioso chocolate con churros...

Pois si, este Nadal deu moito de si, e entre outras moitas cousas, a pasado luns 22 de decembro, acompañados polos voluntarios da Asociación Alborada, un grupo de usuarios/as do noso centro, achegámonos ata a sala de exposicións de Afundación para visitar a tradicional exposición de beléns.
Quedamos abraiados da imaxinación e bo facer da xente, cántas cousas bonitas alí había!

O día estaba precioso, pero algo frío, así que como xa é tradición para nós, achegámonos ata unha famosa cafetería da cidade a degustar todos xuntos un delicioso chocolate con churros.

Foi unha xornada fantástica, que podedes ver nas fotos que nos fixo o noso fotógrafo amigo Manuel G. Vicente:

Feliz 2.015

Desde o CAPM Atalaia de Vigo queremos desexarvos un moi feliz 2.015 e que este novo ano veña cargado das pompas que encheron o noso centro estes días...

Se queredes ver o que pasou por Atalaia non podedes perder este vídeo:

Se non vedes correctamente o video, premede no seguinte enlace: https://www.youtube.com/watch?v=FQ_gHOpWPt4&list=UU-ri5ZCxRZB8pmGCaex9zYg

¡¡¡¡¡Felices festas!!!!

Usuarios/as e traballadores/as do CAPM Atalaia de Vigo queremos desexarvos unhas moi felices festas e invitámosvos a que estedes atentos á nosa felicitación de ano novo... (non podemos contar máis)

As nosas peticións ós Reis Magos xa van de camiño...

Hoxe recibimos no centro a visita do Carteiro Real e a súa axudanta. Achegáronse ó centro para recoller as nosas peticións para as súas Maxestades os Reis Magos de Oriente.

 E como este ano nós fumos moi pero que moi bós non nos cortamos en pedir... hai quen ata pediu un coche novo...

Non sabemos se nos traerán todo, Mª Luisa aínda estaba un pouco enfadada porque o ano pasado non trouxeron os dous ordenadores que pedía para o centro. O carteiro tomou boa nota, e comprometeuse a falar seriamente do tema e interceder por nós na medida das súas posibilidades.

Xa vos contaremos que pasa... Mentras, aquí deixamos as fotos da xornada:

A escola infantil municipal Atalaia felicítanos o Nadal

O pasado xoves tivemos unha desas actividades que tanto nos gustan.

Os peques da escola infantil que está nos sotos do noso edificio, achegáronse a facernos unha visita desas que nos fan sorrir moito moito... Os nenos e nenas cantaron, bailaron, trouxeron un agasallo, repartiron bicos e abrazos a raudales...

Como unha imaxe vale mási que mil palabras, aquí vos deixamos algunhas das fotos desta visita: