Sabedes que temos unha pequena horta ecolóxica no noso centro que coidamos con moito esmero ao longo de todo o ano. E eses coidados dan os seus froitos. Desta vez uns fermosos cabaciños e unhas cebolas preciosas.
Como premio ao noso traballo, decidimos poñernos a cociñar para preparar unha deliciosa e sá crema de cabaciño.
Empezamos pola mañá cedo, Lito achegouse a horta a recolectar, para logo, entre Carmen Santos e María limpar e pelar as cebolas e lavar os cabaciños.
Victoria, Quina e Carmiña foron as encargadas de trocear as verduras e botalas na pota a cocer. Trituramos todo ben e despois, todos xuntos, degustamos o resultado.
Uhhhhhmmmm!!!!! Para chuparse os dedos...
E en breve atacaremos as nosas leitugas que xa están listas para recolectar...
Menudos cabaciños máis lustrosos e qué cebolas de campionato! con esa materia prima e esas mans expertas como poucas nas artes culinarias xa me imaxinaba eu que saería unha crema con tan boa pinta e tan rica rica como decides, pena non estar na proba!!
ResponderEliminarAdemáis xa probarei eu a facela coa pel do cabaciño, que sempre lla tiro.
bicos grandes e a seguir coidando da hortiña
Marga