Celebramos o Magosto

Onte, desafiando ás inclemencias do tempo, celebramos o magosto no noso centro.
Comezamos xa o mércores cós preparativos, picamos castañas, elaboramos cucuruchos de papel de periódico, etc.

E o xoves, a pesares da chuvia e do vento, recibimos unha visita moi especial, tres irmás, Puriña, Manoliña e Carmiña, acompañadas pola galiña Turuleca, colleron o Castromil desde o pueblo do Quinto Carallo, achegáronse ao centro para compartir os seus saberes como castañeiras...

Fixeron un lume estupendo e asaron unhas castañas riquísimas, das que demos boa conta

E despois de tanto comer e beber, como non podía ser de outro xeito, tocou queimar todas esas calorías cantando e bailando coma tolos.
Pásamolo estupendamente como ben podedes apreciar nas fotos:

Podedes ver máis fotos da festa no seguinte enlace:

FOTOS DO MAGOSTO 2019

Atalaia participa no proxecto Amizar da Fundación de la Santa Cruz

Levamos un tempo en contacto cunha fundación, La Fundación de la Santa Cruz que nos convidou a participar no seu proxecto "AMIZAR"

AMIZAR é un proxecto onde se traballa con persoas en risco de Exclusión social, a través da realización,  creación e deseño  de bolsas de tea, alpargatas e sombreiros.

Ofrecéronnos participar con eles, e nós aceptamos encantados.

O pasado 6 de novembro achegáronse ao noso centro e xuntos pasamos unha estupenda xornada traballando a reo deixando voar a nosa creatividade e ben facer.

 Moitas grazas a todas as persoas que fixestedes isto posible!!!!

Podedes ver moitas máis fotos premendo neste enlace:
ENLACE ÁS FOTOS

Percorremos Vigo a bordo do Bus Turístico da cidade

A semana pasada, aproveitando a invitación da concellería de Turismo de Vigo, subimos ao bus turístico, onde tivemos a oportunidade de percorrer os lugares máis fermosos da nosa cidade coma se fósemos auténticos turistas.

Beiramar,  Praia de Samil, O Castro, Parque de Castrelos, Praza de España, Praza de América, Estadio de Balaidos,... fóron algúns dos lugares que percorrimos, escoitando moi atentos as explicacións da audioguía, observando o moito que cambiou a nosa cidade nestes últimos anos.

Como vos podedes imaxinar, o pasamos estupendamente, esperamos poder repetir pronto.
Neste enlace podedes ver as fantásticas fotos obra de Manuel G. Vicente:
Saída do bus turístico

Atalaia vai de excursión á praia

O pasado xoves voltamos coller os nosos bártulos e sair do centro.
Esta vez collimos rumbo a praia da Etea, que está moi próxima ao noso centro, e aproveitamos para pasear, mollar os pés e desfrutar xuntos dunha xornada fantástica de verán.

O fixemos acompañados polos nosos bós amigos da Asociación Alborada, que sempre nos acompañan nestas saídas, aportándonos moita seguridade e compañía.

Moitas grazas rapaces!!!!!!
Neste enlace podedes desfrutar das fantásticas fotos que Manuel G. Vicente fixo da xornada:
ENLACE ÁS FOTOS

Xogamos aos bolos

Hoxe, aproveitando este fantástico tempo có que nos agasalla setembro, voltamos a saír á nosa terraza.
E para seguir en movemento e poñernos en forma, decidimos xogar aos bolos.

Tivemos a oportunidade de amosar a nosa fantástica puntería,e pasámolo estupendamente. Hoxe todos gañamos:

Cociñando... esta vez compota de mazá

Cociñar é unha das nosas paixóns, sobre todo porque despois podemos comernos as deliciosas receitas que facemos.
Desta vez decidimos prepararnos a merenda de xeito moi saudable, polo que a receita elixida foi unha riquísima compota de mazá.

Pola mañá puxémonos mans á obra, e aproveitando o fresco da nosa terraza pelamos e pelamos mazás, para despois trocealas ata encher a pota. Despois cociñado a lume lento e unha vez listo... xa pola tarde demos boa conta do noso traballo, non deixamos nin a proba... estaba boísimo...

MAIS FOTOS PINCHANDO AQUÍ

Festa de verán en Atalaia

Despois dun tempo en obras, por fin remataron o tellado, polo que de novo puidemos saír a desfrutar da nosa fantástica terraza.

Para celebralo, organizamos unha gran festa de verán, con moita música, baile e ganas de pasalo ben...

Podedes ver nas fotos que foi unha celebración do máis divertida, chea de color e alegría.

Todos quedamos con ganas de repetir pronto...

Todas as fotos aquí: FESTA DE VERÁN 2019

Atalaia vai de festa

Ben sabedes que somos moi festeiros, e sempre que temos oportunidade, alá imos...

A principios de agosto celebráronse as Festas de A Guía, e o luns 5 de agosto achegámonos á Carballeira para asistir a Misa Maior, e mercar unhas rosquillas.

Supuso unha actividade estupenda para saúdar á xente do barrio e lembrar as diferentes tradicións  sobre esta festa.

Pasámolo estupendamente, tal e como podedes ver nas fotos:
FESTAS DA GUÍA

Obradoiros de cociña en Atalaia

Cociñar é unha actividade que gusta moito a case todas ás persoas usuarias do noso centro, e sempre que facemos unha proposta deste tipo sobran voluntarios para colaborar.
Nos últimos meses fixemos dous obradoiros de cociña no centro, nun elaboramos unhas deliciosas empanadillas de froitas e noutro cociñamos unha riquísima crema de cabaciño, grazas a un agasallo que recibimos no centro.

Para facer as empanadillas equipámonos coma profesionais e puxémonos coas mans na masa.

Podedes ver algunhas fotos premendo neste enlace:
FOTOS EMPANADILLAS


Para facer a crema de cabaciño, metímonos na cociña, lavamos ben e cortamos todas as verduras para poñelas a cocer. Quedou deliciosa!!!! Pena que non poidades probala...

Probala non, pero podedes ver máis fotos aquí: CREMA DE CABACIÑO

Participamos na Intervención Artística "Enredando na Rúa"

Fai uns días participamos, convidados por  APAMP , na súa terceira Intervención Artística: “Enredando na Rúa”, colaborando na construción dunha gran rede  que cubriu a praza do Paseo de Alfonso  XII de Vigo.

A finalidade do proxecto foi tecer relacións, aprendizaxes, complicidades e colaboracións, avanzando na construción dunha obra común.

Nesta proposta participaron numerosas entidades, nenos e nenas da cidade,  veciños dos diferentes barrios, maiores, artesáns, artistas, colectivos sociais,  convertíndose nunha gran obra colectiva de todos os vigueses y viguesas.

A nosa participación consistiu na elaboración dun tecido, para o cal eleximos a técnica dos telares de lá, no que traballamos no centro durante un par de semanas.

O pasado 13 de xuño estábamos convocados no Paseo de Alfonso para levar a nosa peza e unila ao resto el resto da obra para dar forma e  concluír a obra final.

Foi unha xornada lúdica con actuacións  de diferentes colectivos e actividades varias.

Nesta ocasión, desplazámonos un pequeno grupo de usuarias en representación de todo o centro.

Aquí podedes ver as marabillosas fotos que fixo da xornada o fotógrafo amigo Manuel G. Vicente:

PREME AQUÍ PARA VER AS FOTOS

Xogamos ao bingo co alumnado da EI Monte da Guía

O pasado 22 de maio participamos nunha actividade que nos encanta, que puidemos compartir có alumnado de 6º de infantil da EI Monte da Guía.

Despois de que estes nenos e nenas pasasen o curso aprendendo os números, achegáronse a visitarnos no centro e pedíronnos que lles ensinásemos a xogar ao bingo, co obxectivo de afianzar os seus coñecementos numéricos de xeito lúdico e divertido.

E nós, que nos encantan os nenos e as nenas, pois felices de poder axudarlles compartindo unha actividade que nos encanta e que practicamos case tódalas semanas: o bingo.

As fotos falan por si mesmas, neste enlace podedes velas:

PREME AQUÍ PARA VER AS FOTOS

Celebramos os maios e participamos na Feira "Somos Arte"

O mes de maio é o mes das flores, mes de numerosas celebracións, entre elas os maios, que xa son tradición no noso centro.
Desde fai moitos anos, construímos un maio e participamos en diferentes actos do barrio compartindo as nosas tradicións e saberes cos veciños e veciñas de Teis.
Este ano contamos coa colaboración da Asociación Alborada para facer a recolección do fiuncho e das flores coas que armar o noso maio, actividade que compartimos.

Neste enlace podedes ver máis fotos da montaxe do maio deste ano:
PREME AQUÍ PARA VER MÁIS FOTOS


Ao día seguinte trasladamos o noso maio ata as instalacións do Centro Sociocomunitario de Teis, onde participamos na Feira do social "Somos Arte", convidados polo Colexio San José de la Guía, xunto con outras entidades, e compartimos unha xornada de festa e convivencia da que desfrutamos moitísimo.

A pesares da calor sofocante, non faltou a música, os cantares, o baile e as ganas de pasalo ben.

Podedes ver máis fotos da xornada neste enlace:
PREME AQUÍ PARA VER MÁIS FOTOS

Os venres, tarde de bingo

Hoxe queremos contarvos unha das nosas actividades preferidas, que acostumamos repetir os venres pola tarde, o bingo.

Como podedes ver nas fotografías, é unha actividade moi concurrida, á que se apuntan a maioría dos maiores... será polos premios?????

ENLACE ÁS FOTOS

Manuel cumple 94 anos

94!!!!! Nada menos!!!!

O 23 de abril estivemos de celebración no centro, e non era para menos, 94 primaveras non se cumpren tódolos días.

Non faltaron a tarta, as felicitacións e os agasallos

Que sexan moitos máis Manuel!!!!

ENLACE ÁS FOTOS

Imos á Misa de Luns de Pascua á capela de A Guía

O pasado luns 22 de abril, luns de Pascua, aproveitando que a capela da Guía estaba aberta, fumos ata alí un grupo de persoas usuarias do centro para escoitar a misa de 12:00.

Esta actividade xa é unha tradición no centro, que gusta moito aos nosos usuarios/as.

ENLACE ÁS FOTOS

Recibimos a visita do Mago Cali grazas á Fundación Abracadabra

Onte tivemos no centro unha visita moi especial e pola que nos sentimos moi agradecidas e agradecidos... O Mago Cali achegouse ao centro para presentarnos o seu fantástico espectáculo de maxia.

Foi unha sesión chea de sorrisos e trucos de maxia que nos deixaron a todos e todas coa boca aberta, como ben podedes apreciar nestas marabillosas fotos que fixo da xornada o noso bo amigo Manuel G. Vicente.

MIRA AQUI TODAS AS FOTOS DA SESIÓN

Tere... dez anos con nós

Este mes tivemos unha celebración moi, pero que moi especial...




































A nosa usuaria máis veterana no centro celebrou o seu décimo aniversario no centro, dez anos con nós... case nada
E como non podía ser de outra maneira, non deixamos de celebralo

Aínda parece que foi onte cando abrimos as portas do noso centro, e xa pasaron 11 anos...
Desde aqueles primeiros usuarios/as que abriron con nós o centro pasaron moitísimas cousas, sendo Tere o testimonio de como formamos unha gran familia, e a pesares de tódolos cambios, aquí seguimos, traballando día a día.

Para rendir homenaxe aos 10 anos de Tere en Atalaia deixamos unha pequena presentación dalgún dos numerosos momentos que temos compartido:

Por outros dez anos igual de fantásticos...

Baile de Entroido 2019

Como ben sabedes, o pasado martes 5 de marzo foi martes de entroido, e nós celebramos o día organizando no centro un gran baile no que nos transformamos en grandes artistas e dimos renda solta a todas as nosas cualidades musicais... que non son poucas...

Comezamos a mañá coas sesións de vestiario e maquillaxe, para pasar despois á zona de baile.

Desta vez temos que pedirvos desculpas, porque estivemos tan concentrados na festa que fixemos poucas fotos e de baixa calidade...

Pero algunha foto si que podedes ver neste enlace:
FOTOS DO BAILE DE ENTROIDO 2019

Obradoiro de orellas de Entroido interxeracional

Estas últimas semanas andivemos moi atarefados celebrando o Entroido no centro.
Comezamos o martes 26 organizando un obradoiro de cociña, no que invitamos a usuarios/as de ACLAD Alborada para compartir cun grupo das nosas usuarias unha sesión onde puideron aprender a elaborar orellas de Entroido.

Foi unha sesión moi productiva, onde realizamos tres receitas diferentes, as tradicionais, unha versión apta para diabéticos e outra para celiacos.
E despois de tanto traballo compartido chegou o mellor momento de todos... A DEGUSTACIÓN... lamentamos dicirvos que non quedaron nin as migas

Podedes ver máis fotos deste obradoiro aquí:

ENLACE A MÁIS FOTOS

Unha tarde en Atalaia

Hoxe non vos contamos ningunha actividade especial que fixemos no centro, senón que traemos algunhas fotos que fixemos onte pola tarde, durante os obradoiros, para que vos podades coñecer un pouquiño que cousas facemos no centro.

As tardes son momentos máis relaxados, despois do traballo máis intenso das mañás, preferimos tarefas sinxelas, variadas, adaptadas as preferencias de cada quen, por iso as actividades soen ser xogos de mesa compartidos ou manualidades, labores, etc.

Todo isto nun clima de relaxación e bo humor, mentras traballamos aproveitamos para conversar entre nós, cantamos algo de cando en vez, contamos algún chiste, etc.

Aquí deixamos un exemplo do que fixemos onte:

Seguimos celebrando os nosos aniversarios

O pasado 2 de febreiro o noso compañeiro Gerardo estivo de cumpreanos, e como non podía ser de outra maneira, nós quixemos celebrar con el este día. Tivemos que facelo o luns día 4, porque o sábado non abrimos, pero non faltaou nin a tarta coas velas nin o agasallo.

Moitísimas felicidades compañeiro!!!!!!!!!

ALGUNHA FOTIÑO MÁIS

Atalaia vai de chocolatada

O pasado xoves 3 de xaneiro, para poñer o colofón a intensa axenda das celebracións de Nadal, plantámoslle cara ao frío e saímos todos xuntos, moi ben acompañados por un grupo de voluntarios/as da Asociación Alborada, a visitar a exposición de Beléns que organiza tódolos anos Afundacion, e despois paramos nunha cafetería a compartir un delicioso chocolate con churros.

Pasámolo estupendamente, e para que poidades comprobalo, deixamos aquí o enlace ás fotos que fixo desta magnífica xornada o noso fotógrafo favorito, Manuel G. Vicente.

FOTOS DA SAÍDA AS BELENS E CHOCOLATADA