Celebramos os maios cos coles do barrio

O venres tivemos unha actividade desas que nos encantan e que ano tras ano repetimos.

Respostando unha vez máis á invitación do EEI Monte da Guía, e acompañados por parte do alumnado do CEP Santa Tegra, un grupo bastante numeroso de usuarios /as achegámonos ás instalacións do centro educativo para traballar conxuntamente nos diferentes obradoiros que había preparados.

Foi un traballo intenso e compartido entre nenos/as, maiores, profes, nais e pais, traballadores do CAPM, etc.

Como todo traballo ben feito sempre ten a súa recompensa, unha vez rematado o noso maio e os diferentes murais conmemorativos, adicamos un rato a merendar, cantar, bailar e escoitar o son das gaitas.

Pasámolo estupendamente, tal e como podedes observar nas fotos que fixemos da xornada:

Parabens Carmen e Bene...

Onte voltou ser día de celebración, e nesta ocasión os homenaxeados foron os nosos compañeiros Benedicto e Carmen.

Comezamos cun obradoiro de repostería, no que as nosas cociñeiras Mª Luisa e Victoria elaboraron coa axuda da nosa compañeira María esta deliciosa tarta de crema de turrón que podedes ver nas imaxes:


Despois de tan excelente traballo, os homenaxeados sopraron as velas e todos xuntos degustamos esta maravilla de tarta.

E como non, nos faltou un pequeno agasallo para cada un dos homenaxeados do día. Aquí deixamos algunha das fotos da xornada:

Metidos de cheo na cociña...

Onte aproveitamos as últimas cabazas que tiñamos gardadas da colleita da última tempada e metímonos de cheo na cociña a traballar.

Un grupo de usuarios/as moi voluntariosos/as adicaron a mañá a pelar, limpar e cortar as diferentes verduras co obxectivo de elaborar unha das nosas xa famosas crema de verduras.

Nas fotos podedes ver o moito que traballamos e o excelente resultado que obtivemos, do que daremos boa conta á hora da comida. Lástima que non poidades catalo...



Se tedes algún problema para ver as fotos desde aquí (nos dispositivos con sistema operativo android pode que aparezca a mensaxe de que non tedes instalado o complemento necesario), podedes premer neste enlace para velas:



CREMA DE CABAZA 8 DE ABRIL
">

Imos á misa de Pascuilla na capela da Guía

Onte, luns de Pascuilla, achegámonos un grupo de usuarios/as e traballadores ata a preciosa capela da Guía para escoitar misa.
Aproveitamos para dar un paseo e desfrutar das fantásticas vistas que o lugar ten sobre a nosa ría.

Aquí podedes ver algunha foto:

Parabens Enrique

O día 31 celebramos o aniversario do noso compañeiro Enrique cunha merenda especial a base de tarta que estaba para chuparse os dedos.
Aquí tedes algunha fotiño da celebración:

Misa de Ramos en Atalaia

Comezan os actos da Semana Santa, e os nosos usuarios/as, moi fieis as súas tradicións non quixeron perder a oportunidade de compartir xuntos unha eucaristía especial, na que aproveitamos para bendecir un ramiño de olivo que nos acompañará durante todo o ano.
Agradecemos moito o Padre Ramón que se achegara ó noso centro para oficiar esta misa, que tanto gustou ós nosos usuarios/as.
Aquí tedes algunhas fotos desta actividade:

Comezamos os traballos na horta

Estes días, coa chegada do bo tempo, e despois de todos estes meses de frío e choiva, retomamos o coidado da nosa pequena horta, que tantas satisfaccións da.

O pasado luns, unha pequena "brigada" achegouse á horta para dar comezo ós traballos previos de limpeza, de cara ir iniciando as nosas plantacións.

 Xa fai un mes, coa menguante de febreiro, que botamos os nosos semilleiros de leituga, tomate, pemento, cebola, porro e cabaciño. Despois de todos os nosos coidados, xa empezan a brotar, polo que esperamos qaue pronto podamos levalos a nosa horta.

Aquí deixamos algunha das fotos que fixemos desta primeira xornada de traballo: