Imos á praia...

Hoxe estivemos na praia... o pasamos de medo.

Un día fantástico, aquí tedes as fotos:

Desfrutando dos productos da nosa pequena horta

Estamos en pleno mes de agosto, un mes "diferente", a calor, as vacacións, uns que veñen, outros que van,... Pero agosto tamén é o mes no que podemos desfrutar de todo o que o campo nos da, despois de moitos meses de traballo, coidados e dedicación.


Nestas semanas xa tivemos oportunidade de comer leitugas, xudías, cabaciños. Os nosos pementos están en plena producción, temos uns tomates preciosos que xa empezan a madurar, unhas fermosas berenxenas, remolachas que medran a moi bo ritmo, etc.
 
 Os profesionais do Centro de día Atalaia creemos firmemente na potencialidade terapéutica e educativa do traballo co cotiá, polo que aproveitamos calquera oportunidade para ofrecer actividades significativas que reforcen actitudes participativas e se traballen as capacidades que cada un dos maiores ten.

Asimesmo, o traballo co cotiá potencia o sentimento de fogar que lle queremos dar ó noso centro. O coidado da horta, con todo o que esta actividade supón, nos ofrece múltiples oportunidades de traballo nesta liña, e por iso a actividade diaria destas semanas está moi centrada na horta e o desfrute dos productos que esta nos está a ofrecer.

Como exemplo de actividade, achegamos as fotos dos diferentes obradoiros que estamos a desenvolver estes días, e nos que participan os nosos maiores en función das súas capacidades e intereses. Obradoiro de mermelada de mora (aproveitando os silvais que temos nunha parte dos terreos):



Tamén temos varios perais na finca, cunhas deliciosas peras que aproveitamos para elaborar diferentes receitas. Desta vez foi mermelada, para a próxima será compota:

Outro dos obradoiros desenvolvidos nestes días foi o da preparación de pementos para a súa posterior degustación. Uns foron a horta a recollelos, outros se encargaron de lavalos ben e trocealos, uns poucos estiveron na cociña fritindo e todos, na hora da comida, demos boa conta deles.
 ¡¡¡Pero que ben saben as cousiñas que cultivamos!!!


Ademais destas actividades, continuamos con outras liñas de traballo, favorecendo o movemento e a actividade física, a estimulación e desenvolvemento das capacidades cognitivas así como a actividade relacional. Todo dentro dun marco adaptado a climatoloxía e as necesidades e intereses dos nosos usuarios.

 Como exemplo, a sesión de xerontoximnasia de onte:

A Guía de festa e nós... tamén

O pasado 5 de agosto celebrouse o día grande das Festas da Guía, e nós, como non perdemos unha oportunidade de pasalo ben alá fumos, á carballeira da Guía a escoitar a misa maior e botar un baile. O pasamos de medo. Aquí tedes as fotos da xornada:

Hoxe tocounos... cociñar

Sabedes que temos unha pequena horta ecolóxica no noso centro que coidamos con moito esmero ao longo de todo o ano. E eses coidados dan os seus froitos. Desta vez uns fermosos cabaciños e unhas cebolas preciosas.

Como premio ao noso traballo, decidimos poñernos a cociñar para preparar unha deliciosa e sá crema de cabaciño.

Empezamos pola mañá cedo, Lito achegouse a horta a recolectar, para logo, entre Carmen Santos e María limpar e pelar as cebolas e lavar os cabaciños.

Victoria, Quina e Carmiña foron as encargadas de trocear as verduras e botalas na pota a cocer. Trituramos todo ben e despois, todos xuntos, degustamos o resultado.

Uhhhhhmmmm!!!!! Para chuparse os dedos...





E en breve atacaremos as nosas leitugas que xa están listas para recolectar...

De paseo pola praia da Punta

Onte, despois de moitos días de calor abafante, o día amenceu con moita néboa. Pero nós que non nos asustamos por nada, decidimos aproveitar a mañá e ir a pasear polo barrio.

 Desta vez achegámonos á preciosa praia da Punta, onde adicamos un tempo a facer algo de exercicio no parque biosaludable e despois camiñamos polo paseo admirando as fermosas vistas da nosa ría unha vez que a néboa decidiu levantar.

Aquí tedes as fotos da xornada:

Preparando compota de mazá

A pesar da calor destes días, que levamos como podemos, non deixamos de facer cousas.
Desta vez, aproveitamos o fresco da sombra da terraza para pelar e cortar mazás coas que facer unha riquísima compota.

Aquí tedes as fotos:

Ata sempre... Ramiro

Acostumamos a empregar este espacio virtual para contarvos as cousas que facemos, sobre todo aquelas que nos resultan máis divertidas...

Pero hoxe é un día distinto, hoxe os nosos corazóns están tristes porque o noso bo amigo Ramiro deixounos.

Queremos aproveitar este espacio para rendirlle homenaxe.

Non te olvidaremos. Foi un verdadeiro pracer compartir contigo tantos momentos especiais...

Ata sempre, amigo.