Arrancamos as celebracións dos Maios cos alumnos/as do CEI Monte da Guía

Maio é o mes das flores, e como ven sendo tradición no noso centro, é o mes de celebrar os Maios.
Empezamos coas celebracións o pasado venres día 10, compartindo co alumnado do CEI Monte da Guía unha xornada na que os maiores de Atalaia explicaron aos nenos e nenas as tradicións máis importantes con respecto a esta festa, compartindo danzas e cantigas tradicionais, xogos e confidencias. Tamén se achegaron un grupo de alumnos/as do CEP Santa Tegra.
Resultou unha xornada moi divertida, con moito traballo pero tamén con tempo de troula.

Podedes ver as fotos aquí:


E podedes ver a información da xornada tamén no 
Blog do CEI Monte da Guía

Ademais, esta semana estamos adicados de cheo a preparación do maio do noso centro. Levamos una par de días facendo saídas polo barrio recollendo flores e fiuncho e as familias tamén nós están a facer achegas de flor, o que é de agradecer.
Por outra banda, estamos facendo os coiares e prendidos que nos adornarán o día da festa, que celebraremos, sempre que o tempo o permita, o próximo xoves 16 de maio pola mañá, na praza do mercado de Teis, compartindo a celebración co Plan Comunitario de Teis, a asociación Alborada e os veciños e veciñas que queiran achegarse.

Horta na terraza...

Xa sabedes que no noso centro levamos máis de dous anos coidando dunha pequena horta que temos nos terreos do edificio que acolle ó Centro de Día e a Escola Infantil Municipal. 

Despois destes meses de choiva, levamos un par de semanas traballando a reo para poñela outra vez a punto. Estivemos limpando, removendo a terra, aboando e xa iniciamos algunhas plantacións. 

Neste momento xa temos unhas fermosas fresas, cebolas, allos, allos porros, xudías, tomates e pementos, que próximamente completaremos con leitugas, berenxenas, calabacíns e remolacha. 

Pronto subiremos fotos ó blog para que o vexades todo. 

Pero ademais destes traballos, este ano, como novidade, decidimos completar a nosa horta cunha segunda horta, ubicada esta nunha das nosas fermosas terrazas, co obxectivo de achegar a posibilidade de participar nos coidados a aqueles usuarios que teñen máis dificultades de desprazamento e accesibilidade á horta. 

Decidimos plantar tomates, pementos, xudías, fresas, e berenxenas nas xardiñeiras, ademais das flores que xa tiñamos.

Nas fotos podedes ver o moito que traballamos para poñela en marcha. Polo momento as prantas están pequenas, pero agardamos que con todos os nosos coidados pronto medren e poidamos recoller os deliciosos froitos do noso traballo.

Celebramos o día do libro cos nosos amigos do CEI Monte da Guía

O pasado venres compartimos unha fermosísima xornada no CEI Monte da Guía para celebrar o día do libro.
 Un grupo de usuarios do noso centro achegamonos ás instalacións do cole para asistir a unha sesión de contacontos, na que Ramón Trigo, escritor e ilustrador, presentounos o sue libro "As luces que se encenden e se apagan".
 Iniciamos a xornada cunha ronda de saúdos e presentacións, para despois escoitar, xuntos, a fermosa historia.
Cando Ramón rematou de contar o conto, invituonos a facer con él unha ilustración xigante.
Para elo debuxou na parede ó protagonista do conto frente a un lienzo que nós debíamos encher de cor.
E a elo nos puxemos... Podedes ver nas fotos todo o proceso:


Temos que agradecer a Manuel G. Vicente que nos acompañase e nos fixese estas fermosísimas fotos. ¡¡¡¡Gracias!!!!!

Obradoiro de cociña interxeracional

Dentro do noso programa interxeracional, polo que nenos e nenas do barrio comparten con nós dúas tardes á semana, organizamos un obradoiro de cociña para que os máis cativos tiveran a oportunidade de experimentar cós alimentos.
Os maiores foron os encargados de dirixir o obradoiro no que elaboramos xuntos a merenda do día, uns deliciosos canapés de varios sabores.

Os de chocolate foron os que acadaron máis adeptos, aínda que os de atún con tomate tamén gustaron moito a nenos e maiores. Mirade nas fotos que concentrados e afaenados estabamos todos:

Abril... o mes de Quina, Mucha e Esther

Esta tarde estivemos de celebración por Atalaia.
Hoxe rendimos homenaxe os 86 anos de Quina, ós 84 de Esther e ós 79 de Mucha, que foron as protagonistas dunha fermosa tarde de baile, agarimos, tarta e agasallos.

Como mostra. aquí tedes as fotos da xornada:

Ensinando ás novas xeracións a coidar a horta

O profesorado do CEI Monte da Guía de Teis convidounos a compartir con eles unha xornada de plantación na pequena horta que teñen os nenos e nenas de 3 a 5 anos no patio do seu cole.

Nós aceptamos encantados a invitación, posto que xa sabedes que todo o que ten que ver có campo gústanos moito, e ademais estes pequenos son moi receptivos ás nosas explicacións. Así que para alá fumos...

E a xornada foi estupenda, o sol e a calor acompañounos, e entre todos, nenos e maiores preparamos a terra, abonamos e plantamos fresas, tomates e pementos...
Os nenos e nenas escoitaron moi atentos as nosas explicacións, observaron como faciamos a parte máis complexa do traballo e despois eles foron os encargados de poñer as plantiñas na terra.
Hoxe deixamos de lado as nosas dores e puxemonos a traballar, legón na man, posto que a causa ben merecía do noso esforzo.

Aquí tedes as fotos de todo:


¡¡¡¡Moitísimas gracias por convidarnos!!!
 Aquí tedes o enlace ó blog do CEI Monte da Guía:
 http://montedaguia.blogspot.com.es/2013/04/hoxe-traballamos-na-horta-cos-nosos.html

Bendición dos ramos en Atalaia

Hoxe, con motivo das celebracións propias da Semana Santa, e a petición dos nosos usuarios/as, celebramos no centro unha misa todos xuntos, que oficiou o padre Ramón, sacerdote da parroquia Nosa Señora das Nieves de Teis.

Aproveitamos para bendecir os ramos de olivo, posto que moitos dos maiores non puideron achegarse onte ás súas parroquias a cumprir coa fermosa tradición.

 Aquí tedes as fotografías da xornada: