Os máis cativos plantan tomates na nosa horta...

Onte pasamolo bomba compartindo unha actividade co grupo de alumnos/as de 2-3 anos da escola infantil municipal Atalaia.

Estes cativos plantaron nun bote de iogurt unha semente de tomate cada un, e despois de coidala con moito esmero na aula, onte achegáronse á nosa horta para transplantar a súan plantiña nun anaco da nosa pequena horta que os maiores lles prepararon con moito cariño.

Un a un, foron colocando a súa plantiña no burato e despois regaron con moito coidado, sempre moi tutelados por un grupo de maiores. Aproveitaron para visitar a nosa horta e coñecer un pouco máis de onde saen as verduras que comen cada día no comedor do cole.

Como anécdota divertida, contarvos que tiñamos xa un tomatiño precioso nunha das nosas tomateiras, e unha das rapazas non puido resistir a tentación e arrincouno... Mercedes, Victoria e Mª Luisa non puideron reñila, tiña unha cara de anxeliño..., así que non puidemos facer outra cousa que botarnos a rir cando pescamos a todos tentando darlle un bocado a aquel tomatiño verde que se convertira no pequeno tesouro dos nenos/as.

Esperamos que esta actividade os anime a probar as verduras e aprecialas máis, pero cando estean ben maduras!!!!!!!!!

Aquí podedes ver algunha das fotos da xornada:

Maio, o mes de Victoria, Lola, María, Mercedes e Elvira

Temos este mes cheo de aniversarios, cinco nada menos!!!!!!

Aproveitamos para felicitar desde aquí as nosas boas compañeiras, desexando poder compartir con elas moitas festiñas máis:

LOLA

MARÍA

VICTORIA

MERCEDES

ELVIRA

 Parabens a todas!!!!!

"Imos Sementar" co 3º curso do CEP Santa Tegra na nosa horta

Onte foi un día de traballo intenso. Recibimos a visita dos nosos amigos e amigas, o alumnado do terceiro curso do CEP Santa Tegra de Teis, que viñeron con moitas ganas de aprender e traballar na nosa horta.

Nós, os maiores do centro de día, exercimos de mestres, mentres os nenos e nenas descargaron toda a súa enerxía en poñernos a horta a punto.

Arrincaron malas herbas, que temos que confesar que tiñamos unha morea, cavaron con moito salero a terra, a rastrillaron, botaron abono, axudaron a colocar as mallas antiherba e plantaron leitugas, cebolas, tomates, cabazas, cabaciños, pepinos, xudías e melón, regaron...

A verdade que estes rapaces están feitos uns verdadeiros agricultores, coas nosas indicacións e a súa enerxía, nunha mañá a nosa horta quedou estupenda... cun montón de plantiñas que pronto darán unha excelente colleita.

O noso bo amigo Manuel G. Vicente fixo unhas fermosísimas fotos que queremos compartir con todos vós:

Celebramos os maios cos coles do barrio

O venres tivemos unha actividade desas que nos encantan e que ano tras ano repetimos.

Respostando unha vez máis á invitación do EEI Monte da Guía, e acompañados por parte do alumnado do CEP Santa Tegra, un grupo bastante numeroso de usuarios /as achegámonos ás instalacións do centro educativo para traballar conxuntamente nos diferentes obradoiros que había preparados.

Foi un traballo intenso e compartido entre nenos/as, maiores, profes, nais e pais, traballadores do CAPM, etc.

Como todo traballo ben feito sempre ten a súa recompensa, unha vez rematado o noso maio e os diferentes murais conmemorativos, adicamos un rato a merendar, cantar, bailar e escoitar o son das gaitas.

Pasámolo estupendamente, tal e como podedes observar nas fotos que fixemos da xornada:

Parabens Carmen e Bene...

Onte voltou ser día de celebración, e nesta ocasión os homenaxeados foron os nosos compañeiros Benedicto e Carmen.

Comezamos cun obradoiro de repostería, no que as nosas cociñeiras Mª Luisa e Victoria elaboraron coa axuda da nosa compañeira María esta deliciosa tarta de crema de turrón que podedes ver nas imaxes:


Despois de tan excelente traballo, os homenaxeados sopraron as velas e todos xuntos degustamos esta maravilla de tarta.

E como non, nos faltou un pequeno agasallo para cada un dos homenaxeados do día. Aquí deixamos algunha das fotos da xornada:

Metidos de cheo na cociña...

Onte aproveitamos as últimas cabazas que tiñamos gardadas da colleita da última tempada e metímonos de cheo na cociña a traballar.

Un grupo de usuarios/as moi voluntariosos/as adicaron a mañá a pelar, limpar e cortar as diferentes verduras co obxectivo de elaborar unha das nosas xa famosas crema de verduras.

Nas fotos podedes ver o moito que traballamos e o excelente resultado que obtivemos, do que daremos boa conta á hora da comida. Lástima que non poidades catalo...



Se tedes algún problema para ver as fotos desde aquí (nos dispositivos con sistema operativo android pode que aparezca a mensaxe de que non tedes instalado o complemento necesario), podedes premer neste enlace para velas:



CREMA DE CABAZA 8 DE ABRIL
">

Imos á misa de Pascuilla na capela da Guía

Onte, luns de Pascuilla, achegámonos un grupo de usuarios/as e traballadores ata a preciosa capela da Guía para escoitar misa.
Aproveitamos para dar un paseo e desfrutar das fantásticas vistas que o lugar ten sobre a nosa ría.

Aquí podedes ver algunha foto: