Feliz 2.015

Desde o CAPM Atalaia de Vigo queremos desexarvos un moi feliz 2.015 e que este novo ano veña cargado das pompas que encheron o noso centro estes días...

Se queredes ver o que pasou por Atalaia non podedes perder este vídeo:

Se non vedes correctamente o video, premede no seguinte enlace: https://www.youtube.com/watch?v=FQ_gHOpWPt4&list=UU-ri5ZCxRZB8pmGCaex9zYg

¡¡¡¡¡Felices festas!!!!

Usuarios/as e traballadores/as do CAPM Atalaia de Vigo queremos desexarvos unhas moi felices festas e invitámosvos a que estedes atentos á nosa felicitación de ano novo... (non podemos contar máis)

As nosas peticións ós Reis Magos xa van de camiño...

Hoxe recibimos no centro a visita do Carteiro Real e a súa axudanta. Achegáronse ó centro para recoller as nosas peticións para as súas Maxestades os Reis Magos de Oriente.

 E como este ano nós fumos moi pero que moi bós non nos cortamos en pedir... hai quen ata pediu un coche novo...

Non sabemos se nos traerán todo, Mª Luisa aínda estaba un pouco enfadada porque o ano pasado non trouxeron os dous ordenadores que pedía para o centro. O carteiro tomou boa nota, e comprometeuse a falar seriamente do tema e interceder por nós na medida das súas posibilidades.

Xa vos contaremos que pasa... Mentras, aquí deixamos as fotos da xornada:

A escola infantil municipal Atalaia felicítanos o Nadal

O pasado xoves tivemos unha desas actividades que tanto nos gustan.

Os peques da escola infantil que está nos sotos do noso edificio, achegáronse a facernos unha visita desas que nos fan sorrir moito moito... Os nenos e nenas cantaron, bailaron, trouxeron un agasallo, repartiron bicos e abrazos a raudales...

Como unha imaxe vale mási que mil palabras, aquí vos deixamos algunhas das fotos desta visita:

O CEP Santa Tegra recolle panxoliñas tradicionais galegas

Xa estamos en decembro, e aínda que ultimamente contamosvos pouco do que facemos, nós non deixamos de facer cousas.

O pasado 3 de decembro recibimos a visita do alumnado de 5º curso de CEP Santa Tegra de Teis, que pasaron unha xornada con nós recollendo as letras desas panxoliñas tradicionais galegas que cantan os nosos maiores.

Coma sempre que compartimos actividade con estes mozos, resultou unha experiencia moi agradable, cantamos xuntos, compartimos vivencias e pasamolo requete-ben.

Aquí deixamos a proba:


Foron uns alumnos moi aplicados, e pasadas un par de semanas voltaron ó noso centro coa intención de felicitarnos as festas, e brindarnos un breve concerto coas, entre outras, panxoliñas que aprenderon con nós.
Rapaces, o fixestedes de sobresainte!!!!!!

Aquí tedes as fotos:

CONMEMORANDO O DIA INTERNACIONAL EN CONTRA DA VIOLENCIA DE XÉNERO

O pasado martes 25 de novembro foi o Día Internacional en contra da Violencia de Xénero e desde o CAPM Atalaia tamén quixemos participar nos actos destinados a dar visibilidade a esta problemática.

Organizamos unha actividade simbólica que nos propuxeron desde o CEMVI, na que recollimos cousas que favorecen o mantemento da violencia sobre as mulleres, plasmandoas en globos de cor vermello, e cousas que axudan a que esta lacra desapareza da nosa sociedade, nos globos morados. Supuso unha boa oportunidade para reflexionar, que deixamos recollida nas seguintes fotos:

O día do Peón no CEP Santa Tegra de Teis

O pasado 12 de novembro o CEP Santa Tegra, centro educativo có que colaboramos en diferentes ocasións, celebrou o Día do Peón.

Para conmemorar ese día, no que o peón foi o protagonista, convidáronnos a compartir con eles unha sesión formativa de cómo se xogaba ó peón cando nosos usuarios/as eran nenos/as e ensinar a técnica de lanzamento do peón.

Nesta ocasión, dous dos nosos usuarios, Jose e Bene, achegáronse encantados ó centro para compartir cós nenos/as os seus coñecemento.

Nas fotos que sacamos da xornada podedes ver o ben que o pasamos, tanto nenos/as como maiores, amosando a arte que teñen tanto Jose como Bene cun peón nas mans.:

En novembro felicitamos a Fino e Pilar

Como xa é costume en nós, este mes tocou rendirlle homenaxe os usuarios/as que engadiron un ano máis a súa vida.

Nesta ocasión, celebraron o seu cumpreanos Fino e Pilar:










Para celebralo, un grupo de usuarias, axudadas por Yoli, elaboraron unha deliciosa tarta:



E como nos gusta moito a festa, tamén fixemos baile:

A árbore das virtudes

Esta semana rematamos unha actividade que chamamos "a árbore das virtudes", que nos propuso Rosana, unha alumna en prácticas que leva formándose con nós desde o verán.
Debuxamos unha árbore, e recortamos follas de diferentes cores. Cada folla representa a un de nós (usuarios/as e traballadores/as), e nela escribimos o rasgo da personalidade de cada un que nos parece máis sobresainte.
O resultado, que podedes ver nas fotos, foi moi agradable e moi vistoso:



 ¡¡¡Gracias Rosana por esta bonita actividade!!!

Tempo de comer castañas

Despois de esperar e esperar a que o tempo nos dese unha tregua, a pasada semana a adicamos a preparar o noso magosto. O mércores, entre todos, picamos e pelamos unha morea de castañas para poder preparalas e dar boa conta delas o xoves.

O tempo acompañounos, e puidemos sair á nosa preciosa terraza para degustalas. Estivemos tan atarefados que desta vez esquecemos a cámara de fotos, e por iso só temos estas poucas fotos, pero pensamos que serven para dar boa conta do ben que o pasamos.

Aquí as tedes:

Aprendendo sobre os nosos dereitos como consumidores

O pasado martes 4 de novembro, persoal da asociación ADICAE achegouse ó noso centro a impartir unha interesantísima charla na que aprendimos aspectos básicos acerca de como previr posibles abusos por parte dos bancos á hora de contratar diferentes productos, e tamén aspectos básicos na defensa dos nosos dereitos no que se refire os servizos básicos de luz, gas, telefonía, etc.

Aquí tedes algunha das fotos:
 

Invitados no CAPM de Coia

O pasado xoves 16 de outubro achegámonos ata o CAPM de Coia para celebrar o aniversario dese centro.

Unha das actividades que se organizaron para celebralo foi un encontro intercentros, no que participamos o CAPM de Teis e o de Valadares.

A pesares da cicloxénensis co que acompañou o día, puxemos o mal tempo boa cara e respostamos encantados á invitación.

Foi unha xornada moi agradable, na que usuarios/as dos tres centros compartimos unha sesión de música e baile onde puxemos a proba os nosos coñecementos musicais, o noso oído e a nosa creatividade. O pasamos estupendamente e quedamos con ganas de repetir experiencias similares.

Aquí tedes algunha das fotos do que deu de si a xornada:

Maiores Activos en Dereitos

Desde o CAPM Atalaia queremos convidarvos a todos, usuarios/as, familiares, e a todo aquel que esté interesado na temática a impartir, a asistir a unha charla que a  asociación ADICAE (Asociación de Usuarios de Bancos, Caixas e Seguros), impartirá no noso centro o próximo
 
MARTES 4 DE NOVEMBRO ÁS 11:00 DA MAÑÁ

Baixo o lema “Maiores Activos en Dereitos” unha avogada especialista en consumo tratará:
     - a temática da colocación dos aforros nas entidades bancarias co obxectivo de evitar enganos e abusos,
    -  as claves para defender os nosos dereitos como consumidores na contratación de servizos básicos como son a electricidade, auga, telefonía, etc.

Para unha correcta organización da actividade, precisamos que todos aqueles que queirades asistir, vos inscribades previamente nos teléfonos 667 125 280/ 986 190 367 antes do luns 3 de novembro.

Campaña de Vacinación frente a Gripe

Estimados/as familiares e coidadores/as dos usuarios do centro de día “Atalaia”:

Coma tódolos anos por estas datas, a través dos centros de saúde dá comezo a campaña do Sistema Galego de Saúde (SERGAS) de administración de vacinas fronte a gripe.
A gripe é unha enfermidade altamente infecciosa que en persoas adultas sas non ten, xeralmente, demasiada gravidade. Pero en certos colectivos sí que pode constituír un risco grave de saúde, como é no caso de persoas coas defensas baixas, nenos e, no caso que nos ocupa, persoas maiores.
       
    Por todo isto recomendo que acudan ó seu centro de saúde, para asesorarse sobre a conveniencia de que se vacinen fronte a gripe as persoas maiores que están ó seu cargo, así como vostedes mesmos. Sería convinte que aproveitasen a visita ó seu médico de cabeceira, para revisar outras vacinas necesarias no maior, como son a vacina fronte ó neumococo (esta bacteria produce con frecuencia neumonías, con graves consecuencias para os maiores e inmunodeprimidos) e a vacina fronte ó tétanos e a difteria. É de utilidade que ó acudir ó médico do centro de saúde para revisar as vacinas necesarias para o maior, leve con vostede as antigas cartillas de vacinación que poida ter o maior na casa.

RECORDE, É MELLOR PREVIR QUE CURAR

Se o maior se atopase enfermo e sospeitasen de gripe, a mellor actuación será poñerse en contacto telefónico co centro de saúde, e deixalo namentres na casa, para evitar que infecte a outras persoas.

As vacinas preveñen moitas enfermidades graves, evitando tratamentos con moitos efectos secundarios e menos efectivos que unha vacina a tempo. Lembre que a Consellería de Sanidade habilitou un teléfono para atender emerxencias non urxentes: 986 806350. Tamén poden chamar ó seu centro de saúde para maior información sobre a campaña de vacinación.
NO CASO DE VACINAR O MAIOR, AGRADECERÍAMOS QUE NOS INFORMASE PARA QUE CONSTE NO CENTRO DE DÍA.




Carlos García Domínguez
Enfermeiro do Centro de Día “Atalaia”

Cumpreanos feliz... por partida cuádruple

Chegou outubro, e nada máis comezar o mes, catro das nosas usuarias celebran o seu cumpreanos, o día 5 Marina, o día 6 Mª Luisa e Teresa e María o 9 .

Para celebralo, organizamos unha festiña, que empezamos a preparar o mércores pola mañá cun obradoiro de repostería, no que un grupo pequeno de usuarias traballaron a reo para elaborar unha tarta coa que agasallar as catro homenaxeadas.

O xoves pola tarde foi o momento escollido para cantar o cumpreanos feliz, bailar algunhas pezas todos xuntos e entregar o agasallo que fixemos para cada unha delas con todo o noso agarimo.

Aquí tedes algunhas fotiños da xornada:

Facendo marmelada para agasallar ás nosas familias

Estes días, aproveitando os froitos das árbores que temos na nosa finca, estivemos traballando na elaboración de marmelada de pera e mazá, que degustamos no centro e tamén envasamos para agasallar ás nosas familias.

A xornada deu comezo coa recolleita da froita na nosa finca, para despois continuar co traballo de pelado e troceado, para posteriormente cocer a froita a fogo lento na nosa cociña.

Unha vez rematado este proceso, continuamos coas labores de envasado ó vacío en pequenos botes, así como o etiquetado do producto e decoración do mesmo.

O resultado do noso traballo xa o tedes nas vosas casas, así que desta vez si podedes dar boa conta do resultado. Xa nos contaredes...

Agosto en Atalaia

Levamos un tempiño co blog algo parado. Tedes que desculpar, pero con isto das vacacións, uns que chegan, outros que van, pois non tivemos moito tempo.

A pesares disto, o traballo polo noso centro continuou, eso sí, a un ritmo algo máis relaxado, que é verán (aínda que con esta climatoloxía non o pareza) e todos temos dereito a descansar.

 A nosa rutina estival consiste fundamentalmente en compartir todos xuntos as noticias do día, para manternos ó tanto do que acontece no mundo, para despois sair a pasear e desfrutar da nosa preciosa terraza. Sempre que as temperaturas o permiten, facemos algo de ximnasia e despois adicamos tempo a actividades variadas como poden ser regar as nosas xardiñeiras, coidar a horta, pasear ós cans, facer algunha receita na cociña aproveitando os froitos da horta, exercitar a mente, botar unha partida as cartas, ó dominó, etc.

 E tamén ademais desta rutina diaria, buscamos ocasións para saír do centro e desfrutar do que o nosos contorno nos ofrece. O pasado 5 de agosto, con ocasión das festas da Guía, achegámonos á Carballeira de A Guía a escoitar a misa. Aquí tedes algunha fotiño da saída:
Tamén recibimos a visita no noso centro dos cabezudos que viñeron acompañados polos gaiteiros do barrio, e repartiron animación e alegría a raudales.

E o 21 de agosto, aproveitando o bo tempo, achegámonos á praia da Etea a pasar a mañá. Algún incluso foi quen demeterse na auga. Outros preferiron "ver os toros desde a barreira".
Aquí deixamos algunha fotiña:

Atalaia pon rumbo á praia de Samil

Aproveitando estes días de sol e calor, divididos en pequenos grupos e apoiados por voluntarios da asociación Alborada, estamos indo a pasar a mañá á praia de Samil, coa idea de pasear, tomar o sol e darnos un baño facendo uso do programa de baño adaptado da Cruz Vermella.

A primeira das saídas a fixemos o martes 15 de xullo. Só houbo un valente que se atreveu a bañarse, o resto conformouse con mollar os pés. Tomamos o sol, paseamos pola area mollada e incluso xogamos unha pachanga de fútbol praia.

Foi unha mañá fantástica, diferente e moi divertida. Para proba, aquí tedes as fotos:


Este xoves tiñemos programada unha segunda saída, pero o tempo tan instable que estamos tendo este verán fixo que a pospuxésemos ata novo aviso.

Hoxe apetécenos... facer Tai Chi

Xa levamos un tempo colaborando de xeito regular coa asociación Alborada.
Para nós esta colaboración supón unha gran axuda, sobre todo á hora de facer saídas fóra do centro. Pero tamén desfrutamos moito coas súas visitas ó noso centro.

Onte, compartimos cun grupo de mozos e mozas unha sesión de Tai Chi adaptado, impartida por Julio, un dos educadores de Alborada.

Puxemos corpo e mente en forma e o pasamos estupendamente.

 Aquí tedes as fotos da xornada:

Fedellando na cociña

Onte foi día de meternos na cociña e poñernos a traballar.

Desde o centro de día procuramos ofrecer ós nosos usuarios actividades que resulten significativas, próximas á súa cotidianeidade, e partir de ahí traballamos a estimulación cognitiva e psicomotora, entre outras moitas cousas.

Aproveitando que a nosa pequena horta está empezando a dar froitos, cos preciosos cabaciños que temos, un pequeno grupo de usuarias do centro púxose mans á obra para cociñar para todos unha deliciosa crema de cabaciño.

Nas fotos podedes ver o proceso do noso traballo, do que daremos boa conta hoxe á hora da comida:


Pena que non poidades probala, porque quedounos para chupar os dedos.

Celebrando San Xoán

Estes días en Atalaia estivemos de festa. Raro ¿verdade? Nesta ocasión celebramos o San Xoán.
Empezamos o luns, coa visita de dúas "Meigas" que se achegaron ó noso centro para lembrarnos todo o que tiñamos que facer para pasar esta noite máxica de "xeito proveitoso".

Fixemos ramiños coas herbas do San Xoán, encendimos unha fogueira na que queimamos todo o malo das nosas vidas, algúns valentes saltamos a fogueira para "espantar o demo", cantamos, bailamos e fixemos unha queimada...
Aquí tedes as fotos:

O Martes, lavamos a cara coa auga máxica de San Xoán e despois, tal e como manda a tradición, demos boa conta dunhas deliciosas sardiñas: ¡¡¡¡Rico, riquísimo!!!!!!!

Paseando pola Punta

Chega o bo tempo, marcha o frío, e nós aproveitamos calquera ocasión para romper coa rutina do día a día e sair do centro a pasear.

O xoves achegámonos á praia da Punta de Teis, que está moi cerquiña do centro, de día o cal supuso unha oportunidade fantástica para camiñar e desfrutar da fermosa paisaxe.

Aquí tedes algunha das fotos que sacamos da xornada:

De excursión en barco a Cangas con Alborada

O pasado venres foi unha data moi especial.
Acompañados por un día de calor abrasador, desde Atalaia collimos os nosos petates e puxemos rumbo a Cangas.

A primeira hora da mañá estabamos na estación de ría preparados para coller o barco. Pero non fumos sós. Desta volta contamos coa axuda dun grupo de mozos/as voluntarios/as da Asociación Alborada, que nos acompañaron durante todo o traxecto, e sen os cales esta viaxe non sería posible.

A viaxe no barco foi moi agradable e tranquila. Ó chegar ó porto de Cangas, achegámosnos paseando tranquilamente a Alameda, onde atopámonos coa banda de música "Brisas do Mar de Meaño" que tivo a amabilidade de adicarnos unhas pezas moi animadas.

Tamén deunos tempo a dar un paseo polos postos da feira, e algunha incluso probou "modelitos".

Comemos todos xuntos nas instalacións do Centro Social de Cangas, que o concello cedeunos desinteresadamente, e na sobremesa aproveitamos para facer algo de festa, con cante e baile.

Pasámolo estupendamente, pero chegamos de volta a Vigo cansos de verdade. De feito, algún de nós aínda chegou ó centro o luns con "resaca".
 Foi unha desas experiencias que nos deixan moi bo sabor de boca e que desexamos poder repetir pronto.

Aquí tedes algunhas das fotos que fixemos da xornada:

Atalaia de Feria de Abril... no mes de xuño

Esta semana tivemos unha actividade especial.

Aproveitando que unha das nosas compañeiras estivo estes días atrás de vacacións por terras andaluzas, trouxo de alá o kit completo (traxe, castañolas, abanico, alegría, salero, etc.) e encheu o noso centro de cor e arte anadaluza.

Como podedes ver nas fotos, o pasamos estupendamente e estabamos todos requeteguapos:

A nosa horta da os seus primeiros froitos

Onte, por fin, puidemos degustar os primeiros froitos da tempada.

As nosas primeiras leitugas xa están listas para consumir...



Así que a primeira hora da mañá, Lito e Victoria achegáronse a horta a recolectar algúns pés, que despois María Barreno, Carmiña e Isita limparon con moito esmero mentres Secundina, Lito e Carmen R. Rey ocupabánse dos tomates (estes si eran do supermercado).



Entre todos fixemos unhas deliciosas ensaladas.

Unha vez rematadas chegou a hora de recoller e limpar para poñer as mesas e proceder a degustalas todos xuntos.



Aquí deixamos as fotos de todo o proceso para que poidades vernos:

En Xuño... María Barreno

Aquí vos deixamos as fotos da celebración do cumpreanos da nosa compañeira María, que o luns celebrou os 78.
Recibiu moi emocionada o agasallo que con tanto cariño preparamos para ela.


 Parabens María e que cumpras moitos máis!!!!!!

Nenos/as e maiores traballamos a nosa horta

Como podedes ver nas nosas últimas publicacións do blog, nestas últimas datas estamos traballando moito cos diferentes centros educativos que temos na nosa zona.
O traballo conxunto de nenos/as e maiores ten efectos moi positivos para ambos, que comparten experiencias, saberes,...

Desta vez, invitamos ós alumnos/as de 4º curso do CEP Santa Tegra para que compartisen con nós unha xornada de traballo na nosa horta.

Viñeron con moitas ganas de aprender e moi dispostos a axudarnos a poñer a horta a punto. Por iso hoxe nós, os maiores, asumimos un papel máis de mestres e supervisores mentres os nenos/as fixeron gran parte do traballo.


Divididos en dous grupos, os nenos/as aprenderon e experimentaron como hai que cavar a terra, limparon boa parte das malas herbas que atoparon no terreo, abonaron o campo, rastrillaron, etc.

Pero tamén tivemos tempo para plantar. Desta vez plantamos leitugas, incluidas as que coidaron os nenos/as na aula despois da actividade que compartimos en abril no seu cole para aprender a elaborar un semilleiro.

Tamén plantamos pementos, repolos, e acelgas, que se suman os tomates, leitugas, cabaciños e pementos que xa temos plantados na horta desde hai un tempiño e que pronto empezarán a dar os seus froitos.

Ó rematar regamos todo ben, e agora só nos queda esperar que medren moito para poder desfrutar das mesmas.

Ter a estes rapaces tan traballadores e cheos de enerxía por aquí esta mañá supuxo unha gran axuda para nós, xa que nunha soa xornada de traballo deixaron a nosa horta estupenda, limpiña e ben preparada.

Aquí tedes as fotos do que deu de si esta fantástica xornada:

Compartindo saberes co alumnado do CEP Santa Tegra

O mércores 28 de maio tivemos no centro de día unha actividade moi especial.

Recibimos a visita dos alumnos/as de 6º curso de primaria do CEP Santa Tegra, que viñeron ó noso centro cunha misión moi concreta, recoller música e letra de cantigas tradicionais galegas, para poder incluilas dentro do proxecto que están a desenvolver de recompilación da tradición oral da nosa terra.

Acudiron a nós por dous motivos. Os maiores coñecen moitísimas cantigas, polo que os nosos usuarios/as eran unha fonte moi rica para poder recoller. Ademais, eles tiñan as letras de algunhas cantigas que recolleron na web, pero das que descoñecían a música.

Profesores do centro educativo e profesionais do Centro de día organizamos un encontro para que os nenos/as puidesen achegarse ós maiores e compartir con eles os seus saberes en canto a este tema.

E o resultado foi estupendo. Pasamos xuntos unha xornada moi agradable, na que tamén traballamos moito. Despois de adicar un tempo as presentacións, os nenos/as foron lendo as letras que tiñan recollidas pero das que descoñecían a música e os maiores fóronas cantando. Tamén adicamos un tempiño a ensinarlles algunhas cantigas festeiras, que cantamos xuntos acompañados por instrumentos de percusión que tocamos todos xuntos.

Con tanta algarabía houbo quen se atreveu a botar un baile e todo.

Nas fotos que fixemos da xornada podedes ver o ben que o pasamos, ó tempo que traballamos a reo.

Moitas gracias a estes mozos/as por vir e facernos pasar un rato tan agradable lembrando cantares da nosa mocidade ó tempo que axudábamos no seu traballo escolar.

Recibimos a visita do Señor Obispo

O pasado venres pola mañá, en Atalaia recibimos unha visita moi especial e algo inesperada, o Obispo da nosa diócese.

Foi unha visita informal, na que o Obispo amosouse moi cercano e pasou un rato longo con nós, charlando cos maiores de temas moi diversos.
Aproveitamos para facernos unha foto todos xuntos de recordo desta visita.

O noso maio... Atalaia de festa

Onte, acompañados por un día espléndido de sol e calor, construimos o noso maio e cantamos e bailamos ó redor del.
Pero non o fixemos sós.
Desta vez os nenos e nenas da aula de 2-3 anos da Escola Infantil Municipal Atalaia acompañáronos e colaboraron con moita ilusión na decoración dos maios, o seu e o noso.

Como xa sabedes, lévabamos toda a semana traballando a reo, recolectando flor e fiuncho polo barrio, elaborando guirnaldas de flor, coroas e coiares, etc.
Temos que agradecer a colaboración das familias, que nos axudaron moito achegándonos flores. Aquí podedes ver as fotos dos preparativos da festa nos días previos:


E estas son algunhas das fotos da actividade de onte.



Empezamos cedo montando a estructura do maio e cubrindoa co fiuncho, para despois saia á terraza engalados coas flores e decorar os maios coa axuda dos máis pequenos.

Houbo tempo de cantar e bailar, e de pasalo estupendamente todos xuntos.

Maio, o mes das flores e o mes de María e Mercedes

O venres foi un día intenso.

A mañá celebrando os maios, e pola tarde compartimos unha festa con música, baile e tarta especial para agasallar ás nosas compañeiras Mercedes e María, que cumpriron 79 e 93 anos respectivamente.

Aquí tedes as fotos:

Compartimos a celebración dos Maios cos coles do barrio

O pasado venres 9 de maio pola mañá fixemos unha saída á Escola de Educación Infantil Monte da Guía.

Alí fomos recibidos polas profes e o alumnado do centro e tamén polo alumnado de 6º do CEP Santa Tegra.

Todos xuntos compartimos unha xornada na que traballamos a reo confeccionando un precioso maio.

Despois de tanto traballo, chegou o tempo de cantar coplas e bailar. Repartidos por grupos, cada un de nós, fixo a representación da copla que preparou.

O pasamos estupendamente.

Aquí tedes as fotos:

Chegan os maios

Comezou o mes de maio, o mes das flores.

Como cada ano por estas datas, celebramos a Festa dos Maios coa construción dun maio e o ensaio de cantigas e danzas tradicionais.

Este ano temos previsto celebrar a festa con dous actos diferentes. O primeiro será o próximo venres 9 de maio cando un grupo de maiores desprazaranse o EEI Monte da Guía, para compartir a festa co alumnado do centro e tamén con CEP Santa Tegra. (Construiremos xuntos o maio da escola e aproveitaremos para ensinarñes danzas e cantigas tradicionais.)

 Asimesmo, o próximo xoves 15 de maio celebraremos a nosa propia festa no centro, pola mañá.
Xa estamos metidos de cheo nos preparativos.

Igual que fixéstedes o ano pasado, gustaríanos que participedes, na medida das vosas posibilidades, axudándonos coa recolección das flores, polo que vos pedimos que entre o luns 12 e o mércores 14 de maio nos fagades chegar fiuncho, pampillo (pequenas margaridas silvestres de cor amarelo), calas, rosas, claveis, ou calquera tipo de flor que teñades na casa e que non se marchite con excesiva facilidade.

Non se trata de que todos enviedes de todo, senón que cada un de vós colabore na medida que lle sexa posible, sen grandes complicacións, e por suposto, sen comprar nada. Se tedes algunha dúbida, podedes poñervos en contacto con nós a través das canles habituais.

Nós completaremos a vosa aportación con saídas en pequenos grupos de usuarios a recolectar polos campos do barrio.

Abril, o mes das compañeiras Quina e Victoria

O pasado venres celebramos os cumpreanos de dúas das nosas usuarias, Victoria e Quina.

Organizamos un pequeno baile para abrir apetito para a tarta, cantamos o "Cumpreanos feliz", entregamos un agasallo a cada unha de elas e o pasamos todos xuntos estupendamente.

Aquí tedes as fotos que fixemos da xornada:


¡¡¡¡Parabens compañeiras!!!!

Luns de Pascua na capela de Nosa Señora da Guía

Onte, ainda que o día non acompañaba demasiado, achegámonos á fermosísisma capela de A Guía, onde un grupo de usuarios/as do centro, acompañados por algunha das traballadoras, foron a escoitar misa.

Rematamos a Semana Santa, é os nosos maiores, moi fieis as súas tradicións, quixeron achegarse e compartir xuntos esta celebración.

Para moitos deles supuso un reencontro coa Guía, posto que facía moitos anos que non tiñan oportunidade de visitala.

Foi unha estupenda oportunidade para encontrarnos coa xente do barrio, e compartir unha fermosa liturxia.

Aquí tedes, como sempre, as fotos da xornada:

Misa de Ramos en Atalaia

O pasado luns, o padre Ramón, párroco de Nosa Señora das Neves, achegouse ó noso centro para oficiar a misa de Ramos. Nela bendecimos os ramos de olivo, tal e como manda a tradición.

Foi unha celebración moi fermosa, que agradecemos moito.

Aquí tedes as fotos da mesma:

Imos sementar... co CEP Santa Tegra

Onte fixemos unha desas actividades que sempre nos deixan moi bo sabor de boca.

Un grupo de maiores acudiu ata o CEP Santa Tegra para compartir co alumnado da clase de 4º unha sesión do programa Imos Sementar.

Desta ocasión, ensinamos os nenos/as a elaborar un semilleiro de leitugas, que agora teñen a misión de coidar no seu centro ata que acaden o tamaño axeitado para poder trasplantalas na nosa horta.

Foi unha xornada fantástica, na que desfrutamos transmitindo ás novas xeracións os nosos coñecementos nas labores de horticultura.

 Como unha imaxe vale máis que mil palabras, aquí deixamos as fotos para que poidades ver o que deu de di a xornada:

Un barquiño coma min

"Un barquiño como min" é o título dun fermoso conto que un grupo de nenos/as do CEI Monte da Guía se achegaron a contarnos o pasado mércores 19 de marzo.

Xuntos escoitamos a historia que a profe Elena tan ben nos contou para logo crear un mural no que nenos/as e maiores introducimos os nosos desexos de paz.

Desfrutamos dunha mañá fantástica en compañía destes nenos/as, que nos achegaron moita alegría, como podedes ver nas fermosas fotos que o noso amigo Muanuel G. Vicente fixo da xornada.

E seguimos a cumprir anos

Onte Atalaia volveu estar de celebración.

Desta ocasión, engadiron velas a súa tarta dous dos nosos usuarios, Jose e Carlos.

 Para celebralo, dúas das nosas usuarias elaboraron unha deliciosa tarta de que demos boa conta todos xuntos na hora da merenda. Aquí tedes unhas fotiños da xornada:

Poñendo a nosa terraza a punto

Despois de tres meses de duro inverno parece que, por fin, o bo tempo decidiuse a acompañarnos, e como a temperatura é tan agradable nós aproveitamos a mañá para saír á nosa preciosa terraza e tomar un pouco o sol.

 Pero como somos moi traballadores/as, ben o sabedes, aproveitamos para ir poñendo cousiñas ó día.

Repartimos tarefas e mentras uns limpaban as malas herbas das nosas xardiñeiras, outros abonamos as nosas prantas de amorodos, limpamos e renovamos a terra.

Outro grupiño ocupouse de botar uns semilleiros de leitugas, para poder desfrutar delas nos próximos meses.

Como vedes, foi unha mañá chea de tarefa, aínda que tamén adicamos un ratiño a descansar e tomar o sol, para despois facer unha táboa de estiramentos e prepararnos para a celebración da tarde, da que vos falaremos mañá.

Polo de agora aquí tedes algunhas fotos desta fermosísima mañá:

Gran baile de disfraces en Atalaia

Xa temos as fotos da exclusiva!!!!

A gran festa de Entroido que celebramos o martes no centro...

As fotos falan por si soas, o centro encheuse de cor e alegría, e o pasamos requete ben.

Aquí podedes ver as fotos da xornada, avisamosvos que ides a rir un rato...

Preparativos de Entroido

Onte, martes de Entroido, celebramos o noso baile de disfraces.

Aínda non temos as fotos, que xa vos avisamos de que non teñen desperdicio.

Teredes que esperar uns días para poder desfrutalas. Pero mentres, deixamos un avance das distintas probas que fumos facendo estes días, para ir metendonos en ambiente e botar unhas boas risas.

Aquí as tedes:

Coas mans na masa... Orellas de Entroido

Estes días estivemos moi atarefados traballando nos preparativos de Entroido, lidiando coas gripes, catarros e enfermidades varias que este tempo tan chuvioso trouxo polo nosos centro.

Unha das actividades que máis nos fixo desfrutar foi a degustación dunhas deliciosas orellas que elaboramos no centro.

Lamentablemente, só temos as fotos da primeira parte do proceso, xa que a emoción de catar este dulce tan típico destas datas fixo que se nos olvidara por completo a cámara de fotos.

 Usade a vosa imaxinación e desfrutade destas pouquiñas fotos:

Seguimos a cumprir anos por Atalaia

Xa sabedes que para nós cumprir anos é sempre un motivo de alegría.

Desta ocasión, o pasado venres 28 de febreiro celebramos xuntos os aniversarios das nosas usuarias Secundina (que cumpriu 88 anos o 24 de febreiro) e Carmen Santos (que cumpriu os 88 o 1 de marzo).

 Non podemos esquecernos de Carmiña, que non puido celebrar con nós o seu cumpreanos por atoparse indisposta.

 
¡¡¡¡Moitas felicidades ás tres!!!!

¡¡¡¡Feliz día de San Valentín!!!!

Hoxe é o día do amor... e en Atalaia outra cousa non pero amor...

E como é un día especial nós quixemos facer algo tamén especial que chegará ás vosas casas esta tarde...

Fixemos unhas deliciosas GALLETAS DO AMOR, nas que empregamos fariña, ovos, azucre, manteiga, marmelada de fresa e toneladas e máis toneladas de amor...

Aquí tedes as fotos do noso traballo:

Celebramos o día da paz cos nosos amig@s do Plan Comunitario de Teis

O pasado xoves 30 de xaneiro celebrouse a día da paz.

Nós quixemos aproveitar esta data para compartir unha sesión cós nenos e nenas do Plan Comunitario de Teis, cos cales temos unha relación moi estreita desde hai xa varios anos.

Durante a sesión traballamos xuntos na elaboración dun mural conmemorativo para despois compartir unha deliciosa merenda.

Resultou unha xornada moi entrañable que estamos desexando poder repetir.

Aquí tedes as fotos que fixemos da xornada:

Preparativos de Entroido

Xa queda pouquiño para o Entroido!!!.

E como nós somos moi festeiros e festeiras, imos celebralo como se merece, cumprindo escrupulosamente as nosas tradicións: comeremos cocido, ourellas elaboradas entre todos e todas, prepararemos disfraces, organizaremos un gran baile, e sobre todo, pasarémolo requete ben.

 Temos por diante uns días cheos de tarefas e enredos cos preparativos do baile de Entroido, que celebraremos o martes de entroido, día 4 de marzo.

Despois dun intenso debate e duras deliberacións, xa por fin temos escollida a temática deste ano. Imos adicar o Entroido do 2.014 o marabilloso e máxico MUNDO DO CIRCO. 

Xa estamos preparando o noso disfraz, e para isto precisamos da vosa valiosísima colaboración. Aquí tedes un enlace onde podedes ver fotografías de posibles disfraces que poden servirnos de "inspiración":

POSIBLES IDEAS DE DISFRACES

A idea é non ter que comprar nada, senón que aproveitaríamos as roupas que de seguro que todos temos por casa. É moi importante darlle un toque divertido ó noso disfraz, pólo que os complementos teñen un papel moi relevante: necesitamos pelucas, gafas, gorros, postizos ou calquera outro elemento que se vos ocurra e que teñades na casa.

Para facilitar a organización dos disfraces, é moi importante que nos fagades chegar canto antes todo o que nos podades aportar, e, en todo caso, antes do martes 25 de febreiro. Se tedes calquera dúbida, podedes chamar ó centro.

 Cada usuario pode elexir aquel disfraz que máis lle apeteza e que menos dificultades vos plantexe á hora de buscar os diferentes elementos que o compoñen.

Recordade que non é preciso comprar nada, senón que a idea é aproveitar as cousas que temos por casa (disfraces qua xa tiñamos, pantalóns ou saias de cores chamativas, pañoletas, sombreiros, paxaras, corbatas,  tirantes, por exemplo) e empregar a imaxinación.

Asimesmo, completaríamos os disfraces con elementos propios do Entroido (pelucas, gafas, postizos, barrigas, etc.) para darlle un toque máis divertido e propio destas datas.



Agradecemos moito a vosa axuda e colaboración.

Nadal en Atalaia

En entradas anteriores xa contamos algo das diferentes cousiñas que estivemos facendo para celebrar o nadal todos xuntos por Atalaia. Estivemos traballando na decoración da nosa "casa", recibimos ós nosos bos amigos do CEI Monte da Guía, compartimos un brinde coas nosas familias, etc.

Pero non foi o único que estivemos a facer estes días. Celebramos a Noiteboa e o Aninovo xuntos no centro, e tamén recibimos algunha que outra visita moi especial.

Para que vos fagades unha idea, aquí vos deixamos as fotos:

Brindamos coas familias por un 2.014 cheo de cousas boas...

O pasado luns 30 de decembro tivemos no noso centro unha xornada moi especial en compañía das familias dos nosos usuarios/as. Supuso unha oportunidade fantástica para coñecer as familias dos usuarios que se incorporaron ó centro fai pouco tempo, e saudar ás máis veteranas.

Durante as semanas previas estivemos traballando a reo elaborando un agasallo moi especial, un calendario do 2.014 totalmente personalizado de cada un dos nosos usuarios.

Compartimos un conto que nos axudou a reflexionar, compartimos algunhas panxoliñas, un puco de baile e rematamos facendo un brinde todos xuntos.

Aquí tedes as fantásticas fotos que Manuel G. Vicente, fotográfo amigo da casa, sacou de toda a xornada: